A terceira edición da Carreira Virtual Solidaria de Alumni USC desenvolverase do 22 ao 23 de abril
A carreira deberá ser de 5 km a correr ou camiñar no lugar e no momento que cada persoa prefira pero dentro da fin de semana establecida nas bases
Lugo,
Santiago de Compostela
A fin de semana do 22 ao 23 de abril, Alumni USC porá en marcha a terceira edición da súa Carreira Virtual Solidaria, cuxas inscricións poden formalizarse ata o día 20 deste mes. Todo o diñeiro recadado mediante as inscricións será destinado a Cáritas Interparroquial de Santiago, causa que Alumni USC xa apoiou noutras iniciativas.
A carreira deberá ser de 5 km a correr ou camiñar no lugar e no momento que cada persoa prefira, dentro da fin de semana do 22 ao 23 de abril. Para poder completala será preciso descargarse unha aplicación que rexistre os pasos realizados.