TODOCOSMOS eleva a oito os programas de divulgación científica e tecnolóxica da USC financiados pola Fecyt en 2016
O proxecto TODOCOSMOS, nado en 2014 como una iniciativa do Observatorio Astronómico Ramón María Aller da USC co fin de achegar a astronomía ao público mediante moi diferentes actividades (sesións nocturnas de observación, relatorios, obradoiros, actividades escolares...) en distintos concellos de Galicia, eleva a oito o número de programas de divulgación científica e tecnolóxica promovidos pola USC que contarán con financiamento da Federación Española de Ciencia e Tecnoloxía (Fecyt), tal e como recolle a resolución definitiva do Programa de Fomento da Cultura Científica, Tecnolóxica e de Innovación correspondente a 2016, que vén de publicar a Fundación Española para a Ciencia e a Tecnoloxía (FECYT), que sinala esta acción como Práctica Inspiradora en Cultura Científica.
Logo de dous anos de vida desta iniciativa do Observatorio Astronómico Ramón María Aller da USC, a relación de concellos participantes en TODOCOSMOS é cada vez máis ampla. En 2014, participaron os concellos de Ames, Lalín, Rianxo, Ribadeo, Sanxenxo, Santiago e Teo, ademais da óptica Val. Ao ano seguinte, sumáronse ao proxecto os concellos de Noia, Ordes, Oroso, Padrón y Vedra, mentres que na próxima edición de 2016 está prevista a integración neste programa da USC dos municipios de Allaríz, Boqueixón y Vila de Cruces. No 2015, o equipo de TODOCOSMOS (José Ángel Docobo, Pedro Pablo Campo, María Brea, José Ramón González e Jorge Gómez) realizou un total de 140 actividades, cuxo desglose pode verse na web del programa, http://www.usc.es/gl/proxectos/todocosmos/index.html. A inclusión definitiva de TODOCOSMOS entre os proxectos de divulgación científica e tecnolóxica financiados pola Fecyt en 2016 sitúa á USC á fronte das universidades españolas con máis proxectos seleccionados na última convocatoria de axudas para o fomento da cultura científica, tecnolóxica e de innovación, un programa a través do que se adxudican 3.250.000 euros a 199 accións de divulgación e comunicación que serán postas en marcha ao longo de 2016 por 110 institucións públicas e privadas en todas as Comunidades Autónomas. Outros proxectos da USC Entre os proxectos da USC que volven a contar con respaldo económico da Fecyt en 2016mantéñense programas xa coñecidos e consolidados como o son o campionato internacional de modelado de precisión en 3D con teléfono móbil D3Mobile, dirixido por Juan Ortiz. Outro dos programas apoiados pola Fecyt e xurdido no campus de Lugo é Xuvenciencia, un proxecto liderado por Mercedes Novo e que ademais do campamento estival dirixido a estudantes preuniversitarios, tamén inclúe unha xornada orientada ao profesorado e durante a que se desenvolven diversos experimentos, así como o seu posterior traslado ás aulas de ensino preuniversitario. Regueifas de Ciencia, unha proposta liderada por Laura Sánchez, é terceiro dos programas divulgativos da USC incluídos na última convocatoria de axudas da Fecyt e consiste na organización de catro foros de debate sobre outros tantos temas de interese científico. O programa de Estímulo do Talento Matemático entre estudantes de 12 a 15 anos (Estalmat), promovido nas súas orixes polo reitor Juan Viaño; o espazo de divulgación científica Efervescencia 16, guiado por Manuel Vicente; Creactívate, unha iniciativa de Carlos Hernández Sande, e a proposta coordinada por Mª Carmen Bao Varela ‘Desenvolvemento de recursos educativos dixitais para o ensino de Física-Química, Tecnoloxía, Bioloxía-Xeoloxía en Educación Primaria, ESO e BAC, completan a relación de proxectos impulsados pola USC apoiados pola Fecyt a través da última edición do programa de axudas para o fomento da cultura científica, tecnolóxica e de innovación de 2015. A resolución de proxectos financiados pola Fecyt a través do programa de axudas para o fomento da cultura científica, tecnolóxica e de innovación, sitúa á USC á cabeza das universidades españolas con máis proxectos seleccionados, por diante incluso dos cinco concedidos á Universidade de Barcelona. No que atinxe a Galicia, a USC acapara máis da metade dos programas apoiados pola Fecyt.