Últimos días para formalizar matrícula nos cursos de idiomas do Centro de Linguas Modernas

A matrícula nos cursos de idiomas do Centro de Linguas Modernas rematará o venres 5 ás 23.59 horas. As persoas interesadas teñen a posibilidade de formalizar matrícula nos cursos anuais de inglés e nos semestrais de alemán, checo, chinés, francés, galego para non galegofalantes, inglés, italiano, portugués e xaponés, no caso do Campus de Santiago. En Lugo, existe oferta para os cursos anuais de inglés e nos semestrais de alemán, francés, galego para non galegofalantes e portugués. Os cursos de español como lingua estranxeira e catalán teñen un calendario propio.

Para acreditar a competencia lingüística do nivel B1 e B2 mediante a proba PCL da USC é preciso matricularse ao longo de todo o curso académico 2018/2019. Para acadar máis información, as persoas interesadas dispoñen da páxina web e do perfil de FB do CLM así como do correo clm [at] usc.es (clm[at]usc[dot]es).