Pesar na Universidade polo pasamento do PAS José Carlos Castaño Hermo

A Universidade de Santiago de Compostela manifesta o seu fondo pesar polo falecemento de José Carlos Castaño Hermo, Joseca, membro do cadro de Persoal de Administración e Servizos, con destino na Oficina de Información da Universidade no Campus de Lugo.

Joseca, nos últimos anos, sufriu unha longa enfermidade que o separou da actividade laboral e que lamentablemente levouno á morte. Hoxe repousa no tanatorio lucense das Gandaras, velado pola súa dona, Carmen Corral, os seus pais, irmás, familiares e amigos, ata as cinco da tarde, cando comezará o traslado á igrexa parroquial de Santa María do Xobre (A Pobra do Caramiñal) para, ás oito e cuarto, celebrar alí, nesta igrexa barroca do século XVIII, o funeral e enterro.

O reitor da Universidade, Juan Viaño e todos os membros da comunidade universitaria únense ao pesar dos seus familiares e de todas as súas amizades.