A Universidade presenta este xoves en Veterinaria a súa oferta de másteres para o vindeiro curso 2013-14

A Universidade de Santiago de Compostela presentará este mércores na Facultade de Veterinaria do campus de Lugo a súa oferta de másteres para o vindeiro curso 2013-14, no que a institución académica compostelá impartirá nos seus centros universitarios dos campus de Lugo e de Compostela un total de 75 posgraos oficiais.

Os estudantes e titulados/as interesados/as en ampliar a súa formación nalgún dos másteres ofertados pola Universidade de Santiago de Compostela poderán coñecer a súa oferta de posgraos este xoves, no vestidor da cafetería da Facultade de Veterinaria, onde todos os/as intersados/as terán a oportunidade de recibir cumprida información sobre os distintos programas.

Esta mostra da oferta de másteres da USC permanecerá aberta na Facultade de Veterinaria durante toda a mañá, en horario de 10.00 a 14.00 horas. Os coordinadores e responsables de varios dos programas de posgrao tamén estarán a disposición do público interesado para ampliar todo tipo de información.