As universidades galegas inauguran o luns en Santiago o novo período académico

As tres universidades galegas celebrarán este luns 13 en Santiago o acto conxunto de apertura do curso 2010-2011. A cerimonia poderase seguir por USC TV no seu canal Directo. A inauguración do novo ano académico transcorrerá nunha sesión protocolaria que, coa presenza dos tres reitores, presidirá o titular da Xunta de Galicia, Alberto Núñez Feijóo, no Salón Nobre do Colexio de Fonseca a partir das 11:30 horas. Nela, o catedrático de Medicina Legal Luis Concheiro Carro impartirá a lección inaugural do curso coa intervención ‘Das relacións entre a medicina e o dereito’. Personalidades asistentes A cerimonia contará coa asistencia dun importante número de personalidades do eido político e académico. Entre outros, está confirmada a asistencia da presidenta do Parlamento, o delegado do Goberno, os conselleiros de Educación e Sanidade, o presidente do Tribunal Superior de Xustiza de Galicia, o fiscal Superior Xefe, os alcaldes de Santiago e Lugo, os portavoces dos grupos parlamentarios e os presidentes dos Consellos Sociais das tres Universidades galegas. Centros pechados Por mor deste acto o luns non será lectivo na USC, de maneira que os centros permanecerán pechados excepto aqueles nos que estea prevista a realización de exames, que abrirán as súas portas exclusivamente para esas proba s.