A USC amplía o seu marco de relacións internacionais na maior feira de universidades do mundo

O vicerreitor de Relacións Exteriores e Internacionalización da USC, Víctor Millet, e o coordinador de Exteriores, Jacobo Feás, asisten estes días á máis importante feira de universidades do mundo, NAFSA, que este ano se celebra en Saint Louis, Missouri. Neste encontro mantéñense e cóidanse as relacións existentes entre as universidades á vez que se buscan novos acordos; en concreto, a Universidade de Santiago está ampliando a rede de convenios con universidades estadounidenses e canadenses.