A USC finaliza terceira no I Campionato Galego Universitario de Tenis
A competición congregrou no Pazo de Feiras e Congresos de Lugo 20 raquetas das tres universidades galegas
A USC finalizou terceira clasificada na súa participación no I Campionato Galego Universitario de Tenis, un torneo promovido de xeito conxunto polos servizos de deportes da USC, UVigo e Universidade da Coruña e que tomaron parte 20 raquetas procedentes, entre estudantes e PDI, procedentes das universidades galegas.
A competición, organizada polo Servizo de Deportes da USC no Campus de Lugo, desenvolveuse nas pistas de tenis que veñen de ser inauguradas no Pazo de Feiras e Congresos de Lugo, o mesmo escenario que acubillou un acto de entrega de trofeos que serviu para proclamar a Universidade de Vigo como gañadora deste torneo, no que a UDC acadou a segunda praza.