A USC inaugura en Lugo o Máster en Prevención de Riscos Laborais e Saúde Medioambiental

A Facultade de Ciencias do Campus de Lugo inicia este venres 25 o Máster en Prevención de Riscos Laborais e Saúde Medioambiental, que será inaugurado polo vicerreitor de Coordinación do Campus de Lugo, Carlos Herrero Latorre; o decano do Colexio Oficial de Enxeñeiros Técnicos Industriais de Lugo, Jorge Rivera Gómez; e o decano da Facultade e director do máster, Francisco Fraga López.
O acto de apertura desenvolverase no Salón de Graos do propio centro, a partir das 11:00 horas. Deseguido, a directora do Instituto Galego de Seguridade e Saúde Laboral, Adela Quinzá Torroja-García, ofrecerá o relatorio titulado ‘Instituto Galego de Seguridade e Saúde Laboral: actuacións’.