Pesar na USC polo pasamento de dous estudantes de Medicina

A Universidade de Santiago de Compostela manifesta o seu fondo pesar polo falecemento a pasada semana dos alumnos de 5º curso do Grao de Medicina Tiago Gomez-Lor Sousa e Luís Feipe Magalhaes Pinto, dúas traxedias para as súas familias e unha grande conmoción para os seus compañeiros e compañeiras e para toda a institución.

Na súa memoria, o próximo luns 25 terá lugar ás 19 horas unha misa na Igrexa Conventual de San Francisco.