A USC pon en marcha o programa de préstamo de bicicletas aos membros da comunidade universitaria

Un total de 418 universitarios dos Campus de Santiago e Lugo solicitaron unha das sesenta bicicletas que a USC prestará ata o 30 de xuño dentro da súa campaña piloto de fomento do uso de medios de transporte alternativos ao automóbil. Destas peticións, 350 corresponderon a estudantes, 57 a Persoal Docente e Investigador e 17 a Persoal de Administración e Servizos.
Estes e outros datos serán explicados na roda de prensa que este mércores, día 18, ás 11:00 horas na Sala de Prensa do Colexio de San Xerome, ofrecerán o director xeral de Desenvolvemento Sostible da Xunta de Galicia, Emilio Manuel Fernández, a vicerreitora de Calidade e Planificación, Paz García, a coordinadora do Plan de Desenvolvemento Sostible da USC, Dora Blanco, e o coordinador xeral de Verdegaia, Xan Duro.