A USC presenta o luns 29 a programación das aulas de teatro, danza e fotografía no campus de Lugo para este curso

A USC presentará o vindeiro luns, día 29 de setembro, a partir das 11.30 horas, na sala de prensa da Vicerreitoría de Coordinación de Lugo, a oferta de actividades programadas no campus de Lugo ao abeiro das aulas de teatro e fotografía, así como do Espazo de Danza para o presente curso académico 2014-2015.

A vicerreitora de Servizos Universitarios do campus de Lugo, Carme Silva Domínguez, presentará a nova oferta de actividades culturais dirixida a membros da comunidade universitaria, pero tamén aberta ao público en xeral, no transcurso dunha sesión na que tamén participarán o director da Aula de Teatro da USC, Roberto Salgueiro; o director do Espazo de Danza da USC, Juan Carlos Zahera, e o coordinador da Aula de Fotografía do campus de Lugo, Eduardo Ochoa.