A USC presenta o seu repositorio institucional Minerva

A produción científica da USC estará accesible nun único punto en acceso aberto a través do repositorio institucional Minerva no que se poderán consultar as coleccións bibliográficas dixitalizadas e a produción investigadora e docente dos membros da institución docente compostelá. Minerva albergará, preservará a difundirá os documentos dixitais resultantes das actividades de investigación e docencia da USC. O reitor Juan Casares presentará as particularidades do repositorio institucional Minerva nunha rolda de prensa este xoves 16 ás 11.30 horas na Sala de Prensa do Colexio de San Xerome.