O venres remata o prazo para matricularse nas probas oficiais de italiano no CLM

Dende 2007 o Centro de Linguas Modernas (CLM) da USC é centro examinador en Galicia para os exames CILS da Università per Stranieri di Siena para a Lingua Italiana como lingua estranxeira. O prazo de matrícula remata este venres 16.

No CLM da USC, na convocatoria do vindeiro 3 de decembro, poderase realizar o exame CILS DUE-B2. A data é a establecida pola Università per Stranieri di Siena e polo tanto é inamovible.