Veterinaria acolle un novo concerto do ciclo 'Músicas na vidreira'

Os alumnos da Escola de Música ‘Fábrica de Sons’ serán os protagonistas do segundo concerto do ciclo ‘Músicas na vidreira’, que terá lugar este luns 15 ás 14:00 horas na vidreira da Facultade de Veterinaria de Lugo.
O trío composto por Carlos Doval, Daniel Prieto e Saulo S. Sause-Vázquez interpretará un recital coas pezas contemporáneas All Blues de Miles Davis, Black Orpheus de Luis Bonfa, Call to the higher consciousness de Larry Coryell, My one and only love de Wood e Mellin.
Apoio aos novos intérpretes‘Músicas na vidreira’ nace este curso co obxectivo de complementar a oferta do ciclo de música clásica ‘Músicas a carón da Mosqueira’, ao tempo que pretende servir de apoio aos novos intérpretes lugueses que, cos seus diferentes conservatorios ou agrupacións, poderán ofrecer actuacións musicais duns trinta minutos de duración os luns aos mediodías na vidreira de Veterinaria.
Nesta actividade participan o Conservatorio Profesional de Música de Lugo, a Escola Privada de Música Cantarela, o Centro Autorizado Profesional de Música Galén, o Conservatorio de Música Profesional de Fingoi e a Escola de Música Fábrica de Sons.