Nova visita guiada á exposición ‘Máis alá do Estereotipo’

Este xoves 25 ás 20:00 horas levarase a cabo unha nova visita guiada á exposición ‘Máis alá do Estereotipo’, a primeira mostra individual da artista compostelán Mery Pais en Galicia que se expón dende o pasado 28 de marzo na Igrexa da Universidade.

Esta será a derradeira visita guiada á proposta de arte contemporánea organizada pola Universidade de Santiago de Compostela, e desta volta será da man do comisario da mesma Iñigo Rodríguez, que abordará a traxectoria e obra da artista dende un punto de vista curatorial.