Xa se coñecen os gañadores do II Concurso de Nadal da Asociación de Amigos do Museo de Historia Natural da USC

A Asociación de Amigos do Museo de Historia Natural da USC xa ten aos gañadores do seu II Concurso de Nadal, ao que se presentaron medio centenar de traballos, a maioría de rapaces e rapazas de entre 5 e 13 anos, cos legumes como temática por ser o pasado 2016 o Ano Internacional destes alimentos.

O gañador da categoría dos máis novos foi Álvaro Manuel Limia de Paula, de 8 anos, polo seu traballo Os verdadeiros superheroes; na de 9 a 13 anos, María Armada Fontenla (11 anos) gañou con Breve historia dos legumes. O premio para os de de 14 a 17 anos recaeu en Sandra Viadel Turjanicová por Legumbres con magia e, na de maiores de 18, o gañador foi Miguel Acón polo seu traballo Chakula power.

Os catro levarán como premio unha cámara deportiva, que será entregada este mes nun acto presidido polo reitor e presidente da Asociación de Amigos do Museo, Juan Viaño, no Museo de Historia Natural da USC.

O xurado estivo formado pola xunta directiva da Asociación de Amigos do Museo de Historia Natural da USC: a vicepresidenta e directora do Museo, Mª Isabel Fraga; o tesoureiro, Roberto Almuiña Díaz; o secretario, Francisco Caamaño Isorna, e os vogais, Rosario García-Echave López, José Luis Veiga Goy, Adela Vázquez Vázquez, Manuel Sanmartín Durán e Felipe Bárcena Varela de Limia. Os gañadores elixíronse por votación secreta.

'Chakula power', de Miguel Acón 'Breve historia dos legumes', de María Armada Fontenla 'Legumbres con magia', de Sandra Viadel Turjanicová por