Xa se pode realizar a reserva de praza para a ruta de sendeirismo pola illa da Palma

O Servizo de Deportes conmemorará o décimo aniversario do programa de sendeirismo da USC cunha ruta pola Illa de La Palma entre o 22 e o 28 de xullo. A reserva de praza pode realizarse nas oficinas de Deportes dende este luns 8 e ata o próximo 17 de febreiro. Dado o elevado interese espertado pola iniciativa, a reserva realizarase por rigorosa orde de inscrición dado o límite de prazas existentes. Para inscribirse é preciso estar dado de alta como usuario/a do Servizo de Deportes para o presente curso e admitiranse un máximo de catro inscricións por persoa.

A ruta discorrerá polo Cancajos (A Palma), saíndo do aeroporto de Santiago o 22 de xullo, para un máximo de 30 persoas. O aloxamento realizarase na Hacienda San Jorge en habitacións dobres en réxime de media pensión. Na viaxe inclúese un servizo de autobús para os desprazamentos previos que sexa preciso realizar nas distintas rutas programadas, guiadas por dous monitores.