O presente artigo pretende ser unha breve reflexión sobre o papel socioeconómico das mulleres na Galicia de fins do Antigo Réxime, nun dos períodos máis complexos do seu ciclo vital: a vellez. A investigación céntrase en constatar como a idade era unha variable que condicionaba notablemente varios aspectos tanto da organización familiar como das actividades económicas desenroladas por cada individuo. Na Idade Moderna, tanto no mundo rural como nas cidades, as mulleres mantiveron unha secular participación activa na economía familiar, -fundamentalmente no ámbito doméstico, pero tamén fora del-, así como un importante papel socializador e educador no seo das súas comunidades.