Collaboration as a volunteer in the SantYaGo10K 2025 night race organised by the City Council of Santiago.
Carreira Nocturna SantYaGo10K 2025
A IX Carreira Nocturna SantYaGo10K terá lugar o sábado, 10 de maio de 2025, ás 22 h. Trátase dunha proba de atletismo homologada pola Real Federación para corredores tanto populares como federados, baixo o control técnico da Federación Galega de Atletismo. Espérase unha participación de arredor de 1500 corredores na proba.
Este ano, como novidade, terá lugar unha proba para escolares, a SantYaGo10K Escolares, na cal poden participar calquera rapaz ou rapaza maior de 10 anos. A saída desta proba é xusto antes da 10K, ás 20 h.
Como tódolos anos, a carreira vai destinada a unha causa benéfica e este ano corre polo autismo e colabora con ASPANAES (Asociación de Pais de Persoas con Trastorno do Espectro Autista).
Para o desenvolvemento da mesma, precísase a colaboración de persoas voluntarias non só o mesmo día da carreira senón tamén para o día anterior, o venres 9 de maio.
- Venres, 9 de maio de 10 a 20 h (só entrega de dorsais).
- Sábado, 10 de maio de 10 a 00 h (pola mañá entrega de dorsais, pola tarde-noite o resto de funcións).
Algunhas das tarefas a realizar son as seguintes:
- Reparto de dorsais.
- Dirixir o trazado do percorrido.
- Colaborar durante a entrega de trofeos.
- Organizar o avituallamento (tanto na metade do percorrido como en liña de meta).
- Xestión do servizo de gardarroupa.
Todas as persoas voluntarias recibirán a bolsa do corredor coa súa correspondente camiseta. Tamén recibirán avituallamento sólido e líquido.
As persoas interesadas en colaborar teñen que inscribirse ben dende o formulario de Google Forms que aparece abaixo nas ligazóns ou ben na páxina web oficial co formulario inserido. Haberá a posibilidade de colaborar por quendas de dúas horas ao longo de todo o día, de tal maneira que se pode escoller cunha marxe de dúas horas o horario no que colaborar. De tódolos xeitos se se precisa un horario máis personalizado tampouco habería problema. Pode consultarse a guía de voluntariado dispoñible con todos os dereitos e deberes.
Ligazóns:
- 10k.run/voluntariado (enlace corto directo ao formulario)
- www.santyago10k.run/voluntarios (páxina web oficial co formulario inserido)
