Grao en Filosofía

Aínda que non se esixe ningunha formación previa específica, para o ingreso no grado en Filosofía recoméndase que a formación de o/a alumno/a sexa de perfil humanístico, sendo tamén válido o perfil científico (R.D. 1467/2007, BOE do 6 de novembro, polo que se establece a estrutura do bacharelato e fíxanse as ensinanzas mínimas).

Ademais, a título indicativo cabe sinalar algunhas calidades desexables de o/a futuro/a estudante do grao en Filosofía:
-Sensibilidade á diversidade de opinións, prácticas e modos de vida.
-Gusto pola claridade e rigor na exposición e na argumentación.
-Actitude crítica e inquisitiva para cuestionar ideas e suscitar preguntas.
-Inclinación á reflexión, o razonamento e o diálogo, tomando en conta ideas e modos de pensar pouco familiares.

1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos.

1) Sesión informativa específica

Un dos primeiros días do curso o equipo decanal explica os detalles sobre o funcionamento da Facultade: a ubicación física da estancias (aulas de informática, aulas docentes, biblioteca, salas de estudo, despachos de profesores...), os órganos de goberno da Facultade nos que teñen representación os/as estudantes (Consellos de Departamento, Xuntas de Facultade...) e algunhas orientacións xerais sobre o plan de estudos: carácter das materias, avaliacións, consellos sobre matrícula, convocatorias...

2) Sesión informativa xeral

Así mesmo, a primeira quincena do curso, un conxunto de representantes institucionais, entre eles, o vicerrector de Comunidade Universitaria e Compromiso Social e o Valedor da Comunidade Universitaria, veñen un día á Facultade e informan aos/ás novos/as alumnos/as do funcionamento da Universidade en xeral, dos seus dereitos e deberes e dalgunhas ofertas máis aló do estrictamente académico: programas de voluntariado, área de deportes, teatro, danza, etc. que completan a súa formación humana.

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

No primeiro curso asígnaselle a cada alumno/a un/a profesor/a-titor/a que se encarga de velar e aconsellar sobre a súa progresión nos estudos. Planifícanse, ao principio de curso, como mínimo dúas entrevistas (unha por cuadrimestre) co seu profes-titor, a quen informa do seu grao de satisfacción académica e do seu grao de integración na Universidade e na cidade. A entrevista do segundo cuadrimestre serve para facer balance do curso e tamén para preparar o seguinte en función do grao de consecución dos obxectivos e dos seus degoiros ou preferencias. A titorización comeza o primeiro día do curso entrante e prosegue durante todo o curso académico. Con este sistema, posto en práctica desde hai máis de cinco anos, preténdese ter unha relación moi próxima co alumno/a para que teña a máxima información e dispoña da orientación que precise.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
A.1. Bacharelato do Sistema Educativo Español, Bacharelato Europeo o Bacharelato Internacional.
A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
A.6. Estudos universitarios parciais, estranxeiros ou españois.
Tamén poderán acceder a estudios de Grao:
B.1. Persoas maiores de vintecinco anos que superen unha proba de acceso específica.
B.2. Persoas maiores de corenta anos con experiencia laboral ou profesional en relación cunha ensinanza universitaria.
B.3. Persoas maiores de corenta e cinco anos que superen unha proba de acceso específica.
Do mesmo xeito, poderán acceder a estudos de Grao:
C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

Que os estudantes poidan transmitir información, ideas, problemas e solucións a un público tanto especializado como non especializado;

Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

1. Que os/as graduados/as posúan e comprendan os coñecementos propios da Filosofía como saber, incluíndo as súas doutrinas, teorías, métodos e aplicacións, ao nivel proporcionado polos textos académicos, con referencia a achegas investigadoras recentes.
2. Que saiban aplicar eses coñecementos para identificar, formular e resolver problemas no ámbito da Filosofía, a un nivel xeral e non especializado.
3. Que sexan capaces de transmitir eses coñecementos, as ideas, cuestións e solucións suscitadas e ofrecidas pola Filosofía, tanto a un público xeral como interesado e/ou entendido en temáticas filosóficas.
4. Que estean capacitados para continuar a súa formación, en Filosofía e/ou noutros campos do saber, cun elevado grado de autonomía.
5. Que teñan habilidades para recoñecer, nos diversos saberes e na práctica social, cuestións e problemas susceptibles de ser abordados e resoltos desde a Filosofía.
6. Que na súa actividade profesional e actuación persoal, difundan e apliquen os principios do respecto e a promoción dos dereitos fundamentais das persoas, a igualdade entre as persoas, os principios de accesibilidade universal e desenvolvemento para todos, e os valores democráticos e dunha cultura de paz.

1) Coñecer as disciplinas, teorías, métodos, aplicacións e correntes da Filosofía.
2) Saber explicar e estar en condicións de aprender a ensinar os coñecementos propios da Filosofía.
3) Saber ampliar e poder desenvolver ulteriormente eses coñecementos por medio da investigación.
4) Saber aplicar eses coñecementos dentro e fóra do ámbito filosófico.
5) Capacidade para analizar e sintetizar, argumentar loxicamente, reflexionar e deliberar en termos éticos.
6) Saber expresarse, comunicar, debater e dialogar.
7) Capacidade para organizar a información, tomar decisións, expor e resolver problemas.
8) Desenvolvemento do razoamento crítico e o compromiso ético.
9) Sentido social, fomentando a cooperación e a mediación.
10) Capacidade de reacción e espírito construtivo: proactividade, inventiva, creatividade, laboriosidade e adaptabilidade en contextos