A Asociación de Dano Cerebral de Santiago de Compostela é unha entidade sen ánimo de lucro creada en decembro de 2000 por familiares e persoas con dano cerebral adquirido (DCA).
Sarela ten como obxectivos fundamentais promover a defensa conxunta dos dereitos das persoas con DCA e as súas familias; a súa integración e normalización social, e o seu coidado, asistencia e protección.
Servizo de Atención Diúrna Terapéutica (SADT) e Servizo de Mellora ou Mantemento da Autonomía Persoal e Inclusión Social (MAPIS)
Saídas á contorna comunitaria
As saídas no contorna comunitaria forman parte das actividades que se levan a cabo nos diferentes servizo que oferta a entidade. Estas saídas teñen diferentes temáticas, dende física, cultural, ocio... pero sempre co mesmo fin, que é a inclusión social das persoas con Dano Cerebral Adquirido (DCA) e o aproveitamento dos recursos comunitarios que temos ao noso alcance como cidadáns, dende pasear por un parque, ir ao cine, un bar ou a un museo.
- Horario: SADT, venres, de 10 a 13 h. MAPIS, os mércores e venres de 10 a 13 h. Avisaríase con tempo para favorecer a organización da actividade e da persoa voluntaria.
- Prazas: 4 (dúas para cada servizo)
Servizo de Atención Diurna Terapéutica (SADT)
Expresión Artística
Nesta actividade trabállase coas persoas con DCA a área ocupacional. Procúranse persos que teñan coñecementos ou interese en colaborar en actividades de:
- Pintura
- Costura
- Bricolaxe
- Horario: martes de 10 a 13 h. e xoves de 12 a 13 h.
- Prazas: 3