Un ano máis, o CiQUS aposta polo talento máis novo co seu Programa de Bolsas de Verán, que na súa II Edición recibiu máis de 125 solicitudes de 50 universidades diferentes, (15 delas procedentes de universidades extranxeiras), demostrando así a súa competitividade e excelencia.
Os estudantes seleccionados traballarán de 4 a 6 semanas nun dos grupos de investigación do CiQUS, da man de equipos científicos de excelencia e nunhas instalacións de primeiro nivel. Ademais, participarán nas actividades científicas de carácter global que organiza o centro, como é o caso dos seminarios internos ou o Programa de Conferencias, que recibe anualmente a prestixiosos investigadores internacionais.
Todos eles, que se irán incorporando progresivamente á actividade diaria dos grupos do centro, atópanse no terceiro ou cuarto curso dos seus estudos de grao e proveñen das universidades de Vigo, La Laguna, Complutense de Madrid, Valencia, Universidade Autónoma de Barcelona, Málaga e Santiago de Compostela.
(Descargar a resolución: CiQUS_BecasVerano_2016_Resolución.pdf)