Novo premio para unha moza investigadora do CIQUS

Varios mozos investigadores do CIQUS obtiveron un destacado éxito de participación na XIII Reunión del Grupo Especializado de Polímeros (Reales Sociedades Españolas de Química e Física), que se celebrou en Girona, do 7 ao 10 de setembro. Concretamente, Seila Leiras gañou o premio á mellor presentación oral no seu panel, coa comunicación titulada "Stereocomplex formation in helical polymers by a precise tuning on their secondary structure".

Felix Freire (Investigador Ramón y Cajal) xunto con estudantes de doutorado Seila Leiras Fernández, Sandra Arias López e Rafael Rodríguez Riego presentaron 5 comunicacións orais (sobre un total de 70 en todos os paneis). Estes mozos investigadores pertencen ao Grupo de Investigación do CIQUS "Polímeros helicoidais sensibles a estímulos", dirixido polo Prof. R. Riguera e o Prof. E. Quiñoá. Aínda que comezaron esta nova liña de investigación hai tan só uns poucos anos, dende o ano 2010 xa publicaron 7 artigos nas principais revistas científicas, como Angewandte Chemie Int. Ed., o Journal of The American Chemical Society e Chemical Science (editada pola Real Sociedade de Química do Reino Unido).