Actualidad

A profesora do Departamento de Economía Cuantitativa Emilia Vázquez Rozas tomou posesión este xoves 24 do seu cargo como decana da Facultade de Ciencias Económicas e Empresariais, nun acto presidido polo reitor Juan Casares. Completan o equipo decanal Mercedes Tato, como secretaria; e Alejandro Ballesteros, Fidel Martínez, Leandro Benito e Loreto Fernández, como vicedecanos. A nova decana vertebrou a súa intervención de toma de posesión no potencial investigador do centro, así como na aposta permanente pola formación dos titulados en Economía e en Administración e Dirección de Empresas que cursan os seus estudos nesta Facultade compostelán, “a máis numerosa en estudantes”, sinalou.