Maite Cancelo, elixida vicepresidenta da Conferencia Española de Decanos de Economía e Empresa

A decana da Facultade de Ciencias Económicas e Empresariais da USC, Maite Cancelo, resultou elixida vicepresidenta da Conferencia Española de Decanos de Economía e Empresa (Confede) que se reuniu a pasada semana en Valencia.
Os decanos abordaron no encontro os novos plans de estudo conforme ao Espazo Europeo de Educación Superior e a validación das materias relacionadas coa economía e a empresa nas ensinanzas medias, principais retos aos que se enfronta hoxe a Confede.