Venres 31, ás 13.00 horas
A ex xuíza Manuela Carmena aborda a figura de Concepción Arenal
A USC celebra este venres 31 o bicentenario do nacemento de Concepción Arenal Ponte, diplomada en Dereito, escritora, xornalista, poeta e autora dramática, cunha nutrida axenda de actos que servirá para reivindicar a súa figura e que se estenderá ao longo deste ano 2020. Nesta liña, a xuíza emérita e ex alcaldesa de Madrid, Manuela Carmena, impartirá este venres, a partir das 13.00 horas, un relatorio no Salón de Actos da Facultade de Dereito, baixo o título ‘Concepción Arenal hoxe’.