Concertos de Fin do Curso Avanzado de Especialización Orquestral da EAEM

Como colofón dos estudos do Curso Avanzado de Especialización Orquestral da  Escola de Altos Estudos Musicais, o seu alumnado ofrece no mes de xuño unha serie de concertos con obras de autores referenciais para solistas con acompañamento de piano. 

O día 14 de xuño serán Marta Balsa (fagot), Cristina Pati (frauta) e Sergio Sánchez (trompa) as e os intérpretes protagonistas dun concerto con obras de Willson Osborne, Carl Maria von Weber, Franz Schubert, Cécile Chaminade, Wolfgang Amadeus Mozart e Richard Strauss.

Comezará ás 20.30 horas no Paraninfo da USC e a entrada é de balde ata completar a capacidade da sala.