Conferencia do Dr. M. Stanley Whittingham, Premio Nobel de Química 2019.

O vindeiro mércores, 16 de novembro, ás 12:30 h terá lugar na Aula Magna do noso centro a conferencia inaugural do “Encontro Galego-Portugués de Química”, a cal correrá a cargo do Dr. M. Stanley Whittingham, Premio Nobel de Química 2019, baixo o título: “The critical Role of Energy Storage in the Electric Economy and Overcoming Climate Change”.

Se desexan seguir a retransmisión deste relatorio, poderán acudir á Aula de Química Técnica ou de Química Física ata completar a súa capacidade, xa que a Aula Magna está reservada aos congresistas.