30.06.2023 | 17.30h
O vicerreitor de Transformación Dixital e Innovación da USC, Gumersindo Feijoo Costa, presidirá o acto académico
A promoción 2019-2023 do Grao en Pedagoxía celebra a súa graduación o venres 30 de xuño a partir das 17.30 horas no Auditorio de Galicia.
O vicerreitor de Transformación Dixital e Innovación da USC, Gumersindo Feijoo Costa, presidirá este acto no que tamén tomarán parte a decana da Facultade de Ciencias da Educación, Mar Lorenzo Moledo; a profesora de honra da promoción, Ana Vázquez Rodríguez; o padriño da promoción Alexandre Sotelino Losada; e a madriña, Cristina Varela Portela.
Elba Calviño Bugallo, Paula Campos Álvarez e Katia Cino Rouco, tomarán tamén a palabra en representantación do estudantado da promoción 2019-2023.