A exposición de pintura 'O reino das árbores', de Luis Rodríguez Camarero, estará no Claustro Alto do Colexio de Fonseca do 1 de febreiro ao 3 de abril de 2024, e poderá verse en horario de luns a venres, de 11.00 a 14.00 e de 17.00 a 20.30 horas.
As obras de Luis Rodríguez Camarero caracterízanse pola cualidade matérica e beleza cromática que presentan, destacando o emprego dunha persoal técnica de tratar o óleo que esixe un moi premioso e delicado proceso de execución por etapas, ao ter que proceder por capas superpostas de materia e mesmo tamén de cores. Con este procedemento técnico pretende que as obras gañen en tactilidade plástica e expresividade visual. As paisaxes de Galicia, que lle serven de motivo, logran transmitir unha pureza na composición e un lirismo poético infrecuentes na pintura figurativa de natureza paisaxística.
A exposición estará pechada os días 28 e 29 de marzo todo o día.