Presentación do informe 'Reimaxinar xuntos os nosos futuros, un novo contrato social para a educación'

Este martes 27de febreiro a partir das 10.30 horas o Salón de Actos da Facultade de Ciencias da Educación no Campus Sur acolle a  presentación do informe da UNESCO e da Fundación SM 'Reimaxinar xuntos os nosos futuros, un novo contrato social para a educación'. Esta actividade, que se enmarca na celebración dos 50 anos dos estudos en Pedagoxía, constitúe unha iniciativa para repensar a educación e dar forma ao futuro a través dun debate sobre o coñecemento, a educación e a aprendizaxe nun mundo de crecente complexidade, incerteza e precariedade.