Concerto do CMUS

O Conservatorio Profesional de Música de Santiago de Compostela, en colaboración coa Universidade de Santiago de Compostela, presenta do 22 ao 29 de abril un novo ciclo no que o alumnado achegará propostas encadradas no departamento de conxunto e cámara.

O segundo recital terá lugar o martes 23 de abril ás 19.45 horas no Paraninfo da Facultade de Xeografía e Historia e nel actuarán un dúo de violonchelo e piano, un trío de violín, cello e piano, un dúo de soprano e piano e un cuarteto de corda. O acceso é de balde e libre ata completar a capacidade da sala.