Un ouro e un quinto posto selan a participación da USC no Campionato de España Universitario de Karate

De esquerda a dereita, Adrián Barcia Mosquera, Eva Rodríguez Loredo e a adestradora Ruth Lorenzo Couso.

Eva Rodríguez Loredo fíxose co metal mentres que Adrián Barcia Mosquera ficou entre os cinco primeiros da súa categoría

Lunes, 28 de abril de 2025

Eva Rodríguez Loredo obtivo a medalla de ouro no Campionato de España Universitario de Karate que a Universidade de Alcalá acolleu do 25 ao 26 de abril. Ademais, tamén en representación da USC, Adrián Barcia Mosquera logrou a quinta posición na súa categoría. Rodríguez Loredo competiu na modalidade Kumite Senior Fem -55 kg, mentres que Barcia Mosquera fíxoo na Kumite Senior Masc -75kg.

O éxito da representación da USC en Karate engádese á da delegación de Judo, cando Sabela Lage Rivera e José Iglesias Rodríguez acadaron medalla de bronce nas categorías de -78 kg e -90 kg, respectivamente, do Campionato de España Universitario de Judo que se desenvolveu en Pozuelo de Alarcón o pasado 11 de abril. Ademais, Fabiola Fernández García, na categoría de +78 kg, quedou en quinta posición. Completaron o equipo Marta Plaza Pedre, Carlos Infanzón Ocampo e Lucas Santamaría González.