Special Olympics Galicia

A verdadeira meta das súas actividades deportivas é promover as capacidades de cada participante, redirixindo a atención, non ás súas limitacións, senón a características como a iniciativa, o liderado, a cooperación, o valor  e o autocontrol. Igualmente potencian cualidades como a axilidade, a flexibilidade, a resistencia e a coordinación, características que axudan ás persoas con discapacidade intelectual a melloras a súa confianza e autoestima.

Coas xornadas deportivas procuran:  

• Proporcionar oportunidades para desenvolver aptitudes físicas.
• Promocionar o deporte base.
• Potenciar a participación das persoas con discapacidade intelectual en actividades deportivas normalizadas.
• Apoiar ás persoas con necesidades especiais,  contribuíndo así o desenvolvemento persoal e social.
• 0frecerlles aos participantes posibilidades reais de gañar.
• Adaptar a proba á persoa con discapacidade intelectual, e non a persoa á proba.
• Un sistema de competición para tódalas entidades de persoas con discapacidade intelectual nas diferentes modalidades deportivas.
• Dar maior relevancia aos deportes minoritarios e adaptados ás persoas.
• Ofrecer unha competición adaptada e de calidade.
• Formar ao persoal técnico deportivo para ofertar unha calidade á hora de adestrar.
• Visibilizar na sociedade as capacidades das persoas con discapacidade intelectual.
• Fomentar a colaboración entre entidades que traballan con persoas con discapacidade.
• Abrir á cidadanía as súas actividades, incluíndo deportistas con e sen discapacidade intelectual.