Esta contribución tenta ofrecer unha nova interpretación sobre o poema Vi un coteife de mui gran granhon escrito por Afonso X. A crítica especializada deu ao texto unha única clave interpretativa: a condición de carreteiro do personaxe principal fora censurada polo trobador. Non obstante, neste estudo proponse unha hipótese diferente: a presenza do substantivo carreta no refraneiro da cantiga débese á técnica literaria da alusión. Neste caso, o rei castelán tería apelado a un dos episodios máis populares de Lancelot de Chrétien de Troyes e os seus adaptadores para vituperar contra un deses viláns cabaleiros que participaban nas campañas bélicas de Andalucía.