O seminario Vientos del Este, Vientos del Oeste: influencias mutuas nos albores da lírica trobadoresca peninsular, abordará o xoves 24 de outubro na Facultade de Filoloxía a cuestión do mecenádego e actividade cultural promovida nas cortes catalano-aragonesas e nas grandes casas nobiliarias do noroeste peninsular durante a plena Idade Media, sinalando aqueles trobadores que puideron desenvolver a súa actividade poética nunhas e noutras.
A sesión da mañá terá lugar de 11 a 13.30 horas no Seminario B13 coas intervencións de Miriam Cabré, Profesora Titular de Filología Romànica na Universitat de Girona; José António Souto, Profesor Titular de Filoloxía galego-portuguesa na Universidade de Santiago, e Sadurní Martí, Profesor Titular de Filología Catalana na Universitat de Girona.
A sesión de tarde terá lugar de 16 a 18 horas no Seminario D15 cunha mesa redonda moderada por Elvira Fidalgo, Profesora Titular de Filoloxía Románica da Universidade de Santiago.