A USC convoca 65 bolsas para estudantes da USC que vaian realizar microcredenciais universitarias ou cursos de formación específica durante o ano 2025, enmarcadas no Programa “Becas Santander I Microcredenciales 2025”, impulsado e financiado polo Grupo Santander co obxectivo de promover a formación o longo da vida para mellorar a empregabilidade dos estudantes.
Contía das axudas
65 bolsas que ofrecen un desconto de 300 euros sobre o prezo da matrícula (excluído o seguro de accidentes obrigatorio).
Requisitos
- Maior de 18 anos.
- Residente en España.
- Inscribirse e matricularse nunha das formación ofertadas a través da Secretaria Virtual do Estudante da USC.
- Inscribirse no Programa “Becas Santander – Microcredenciales 2025” a través da ferramenta do Santander na plataforma www.santanderopenacademy.com .
- Realizar o test de motivación coa inscrición na plataforma do Santander
- Non ter sido beneficiario anteriormente do programa de bolsas Santander Microcredenciais 2025.
Presentación de solicitudes
Para solicitar estas bolsas os estudantes deben inscribirse na Plataforma do Banco Santander dende o 16 de abril de 2025 ata o 1 de xullo de 2025 (ambos incluídos).
Concesión das bolsas
A concesión das bolsas será xestionada pola USC por rigorosa orde de inscrición na aplicación do Santander ata completar o número de bolsas ofertadas.
A USC resolverá a adxudicación destas bolsas antes do 7 de xullo de 2025.
Obrigas dos/as beneficiarios/as
Os/as beneficiarios/as destas bolsas deben de cumprir as seguintes obrigacións, estando a axuda condicionada ao completo cumprimento das mesmas:
- Aceptar a bolsa na plataforma do Banco Santander nos termos e prazos indicados nesta convocatoria.
- Matricularse na microcredencial ou curso da USC e superalo satisfactoriamente.
A universidade aplicará a axuda como desconto do prezo de matriculación a abonar o/a beneficiario/a. No suposto de que o/a beneficiario/a pagara o importe completo, reintegraráselle a cantidade de 300 €.
No caso de incumprimento por parte do/da beneficiario/a de calquera das condicións, requisitos e obrigacións previstos, deberá devolver o importe da axuda e abonar o prezo íntegro da matrícula. Nese caso, a universidade procederá á reasignación ao seguinte solicitante incluído na lista de reservas que cumpra cos criterios establecidos.
