III Encontro RETINDE (Rede Transdisciplinar de Investigación Educativa)

RETINDE é unha rede de asociacións, sociedades científicas e redes de grupos de investigación vinculados á investigación educativa creada en 2016 a partir de dezaseis entidades fundadoras. Os obxectivos que persegue a Rede Transdisciplinar de Investigación Educativa son os seguintes:

• Contribuír á mellora da investigación educativa e o seu impacto na sociedade, a práctica educativa e o coñecemento científico.
• Favorecer a vinculación da investigación coa acción dos e as profesionais e a práctica educativa
• Promover a colaboración entre as asociacións, sociedades e redes vinculadas a RETINDE e desta con outras externas e internacionais.
• Fomentar a presenza da investigación educativa na sociedade.
• Converterse nun interlocutor recoñecido fronte ás administracións.

Neste terceiro encontro, preténdese continuar o traballo desenvolvido en Madrid e Barcelona contribuíndo ao fortalecemento da REDE e creando lazos que nos afiance como colectivo. Concretamente este encontro pretende:

• Promover un espazo de intercambio e foro de debate de ideas entre os membros que conforman a Rede.
• Axudar a profundar as sinerxias de colaboración vixentes para seguir desenvolvendo a Rede.
• Identificar propostas de accións futuras da REDE.

Como en ocasións anteriores, este encontro será totalmente gratuíto para os asistentes. As achegas de cada participante servirán de base para debater, analizar e profundar sobre os desafíos, limitacións e posibilidades da investigación educativa neste momento histórico.