Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Filoloxía Galega
Áreas: Filoloxía Románica
Centro Facultade de Filoloxía
Convocatoria: Segundo semestre
Docencia: Con docencia
Matrícula: Matriculable | 1ro curso (Si)
Dar a coñecer o contexto cultural e histórico do período medieval.
Transmitir un panorama global da literatura románica medieval e os seus vínculos coa produción literaria latina destes mesmos séculos.
Amosar a literatura románica medieval como un proceso cultural unitario con diferentes manifestacións nas distintas literaturas e a súa disolución nas diferentes literaturas nacionais.
Familiarizar ao alumno coa formación e primeiras manifestacións dos distintos xéneros literarios.
Dar sentido á evolución dos textos literarios desde as súas primeiras manifestacións a través da formación das grandes correntes do século XII, ata os casos máis elaborados de produción literaria no século XV.
Nun sentido xeral, aprender a vincular os contidos da materia cos das outras materias afíns da titulación.
1.- A Idade Media como período histórico fundamental da cultura de Occidente.
a) Delimitación temporal da Idade Media. A súa ubicación na historia. Particularidades con respecto a etapas posteriores.
Periodos comprendidos pola Idade Media. A súa delimitación temporal con respecto ás etapas antiga e renacentista. A súa función de herdeira da Antigüedade e o seu papel innovador na cultura occidental.
b) Acontecementos fundamentais, avances culturais, eventos sociais, políticos e militares (particulares e comúns), relacións internacionais.
Os grandes reinos medievais. O imperio carolinxio. O Sacro Imperio. As cruzadas. A Reconquista. A Guerra dos Cen Anos. Aspectos relixiosos. As reformas culturais.
2.- Presentación xeral das características da vida intelectual na Idade Media. Convivencia do latín escrito con outras linguas no contexto europeo.
a) O intelectual na Idade Media. Trivium e quadrivium. Os centros de aprendizaxe e de produción literaria.
As artes liberais. A cultura clerical. O latín como lingua principal de cultura. A situación de diglosia latín-romance. A produción e circulación de manuscritos. A organización dos estudos na Idade Media. A fundación das universidades.
b) O papel do latín na formación dos xéneros literarios medievais. Contexto da aparición dos primeiros textos literarios romances. Literatura en latín e literatura en linguas vulgares.
A produción literaria en latín na Idade Media e a consolidación dos xéneros. A produción literaria en romance.
3.- Causas da aparición das literaturas nacionais.
Nota: a bibliografía indicada aquí ten carácter básico. O profesor mencionará outros títulos a medida que o requira a explicación en clase.
Aguadé Nieto, S. (coord.), Universidad, cultura y sociedad en la Edad Media, Alcalá de Henares, 1994.
Boitani, P.-Mancini, M.-Várvaro, A. (eds.), Lo spazio letterario del Medioevo, 2. Il medioevo volgare, Roma, Salerno, 1999-2002.
Brea, M., “Las lenguas románicas en la Edad Media” in J. E. Gargallo Gil-M. Reina Bastardas (eds.), Manual de lingüística románica, Barcelona, Ariel, 2007, pp. 121-145.
Cavallo, G.- Leonardi, Cl.-Menestò, E. (eds.), Lo spazio letterario del Medioevo, 1. Il medioevo latino, Roma, Salerno, 1992-1998.
Contamine, Ph., La Guerra en la Edad Media, Barcelona, Labor, 1984.
Curtius, E. R., Literatura europea y Edad Media latina, México-Madrid, FCE, 1984.
Di Girolamo, C., La letteratura romanza medievale: una storia per generi, Bologna, Il Mulino, 1994.
Duby, G., Europa en la Edad Media, Barcelona, Paidós, 1990.
Formisano, L., La lirica, Bologna, Il Mulino, 1990.
Giordano, A.-J. J. Batista Rodríguez, Literatura románica medieval (parte teórica), La Laguna, Universidad, 2004.
Le Goff, J., Los intelectuales en la Edad Media, Barcelona, Gedisa, 1986.
Limentani, A.-M. Infurna (eds.), L’epica, Bologna, Il Mulino, 1986.
Meneghetti, M. L., Le origini delle letterature romanze, Roma, Laterza, 1997.
_ (ed.), Il romanzo, Bologna, Il Mulino, 1988.
Picone, M. (ed.), Il racconto, Bologna, Il Mulino, 1985.
Pioletti, A. (ed.), Le letterature romanze del Medioevo : testi, storia, intersezioni : V convegno internazionale, Roma, 23-25 ottobre 1997, Soveria Manelli, Rubbettino, 2000.
Vàrvaro, A., Identità linguistiche e letterarie nell’Europa romanza, Roma, Salerno editrice, 2004.
_, Literatura románica de la Edad Media: estructuras y formas, Barcelona, Ariel, 1983.
VV. AA., Grundriss der romanischen Literaturen des Mittelalters, Heidelberg, Winter, 1968-2005.
Weckmann, L., El pensamiento político medieval y los orígenes del derecho internacional, México, FCE, 1993.
Capacidade de recoñecer períodos distintos da historia de Europa marcados pola súa evolución social e cultural.
Capacidade de distinguir as diferentes características definitorias dos diferentes xéneros literarios románicos e os vínculos existentes entre eles.
Capacidade de distinguir as particularidades históricas e literarias da Romania e os seus vínculos e diferencias con respecto ás culturas contemporáneas.
Capacidade de relacionar a produción literaria medieval ca produción literaria moderna.
Capacidade para familiarizarse con fases antigas das distintas linguas romances a través do contacto con edicións literarias que reproduzan o estado medieval da lingua en cuestión.
Capacidade de entender a produción cultural románica e o seu vínculo ca produción latina.
Capacidade de emitir xuizos críticos e de analisar textos dunha certa dificultade de comprensión.
AVISO: AS NORMAS QUE SE INDICAN AQUÍ SON DE APLICACIÓN ÚNICAMENTE NUN CONTEXTO DOCENTE LIBRE DE CORONAVIRUS. EN CASO DE NOVOS BROTES DA PANDEMIA, APLICARÁNSE NO SEU LUGAR OS PROTOCOLOS INDICADOS NO APARTADO DE OBSERVACIÓNS
O curso terá como eixo a serie de sesións expositivas e presenciais nas que o profesor impartirá clases con contidos que os alumnos deberán asimilar e demostrar a súa comprensión coa participación activa na clase. A parte interactiva, presencial tamén, basearase en lecturas a partir de textos seleccionados polo profesor, que poderán consistir en documentos enteiros, fragmentos escollidos ou ensaios sobre cuestións teóricas ou teórico-prácticas relacionadas coa asignatura.
Como alternativa ou complemento, tamén está prevista para esta parte interactiva a realización de exposicións ou traballos sobre algún dos puntos do programa. O carácter oral ou escrito, individual ou en grupo de todas estas tarefas poderá cambiar en función do número dos estudiantes e das incidencias na marcha do curso, e poderán realizarse probas orais ou escritas como método de control desta parte. Corresponde ao profesor determinar en cada momento o seu número e natureza exactos.
Existe un horario de titorías personalizadas, destinadas fundamentalmente a resolver as dúbidas suscitadas polas explicacións dadas polo profesor ou a preparación dos comentarios, aínda que tamén se poden utilizar para consultar calquera aspecto de interese para o alumno. Todos os estudantes deberán acudir a estas titorías, que serán parcialmente virtuais.
Tanto as sesións expositivas como as interactivas terán carácter presencial, pero baixo condicións debidamente xustificadas, ata o 10% da docencia poderá ser virtual.
AVISO: AS NORMAS QUE SE INDICAN AQUÍ SON DE APLICACIÓN ÚNICAMENTE NUN CONTEXTO DOCENTE LIBRE DE CORONAVIRUS. EN CASO DE NOVOS BROTES DA PANDEMIA, SE APLICARÁN NO SEU LUGAR OS PROTOCOLOS INDICADOS NO APARTADO DE OBSERVACIÓNS
A nota da asignatura procederá nun 90% dos traballos, orais e/ou escritos, que teña que realizar o alumno de xeito individual ou en grupo, e que se controlarán de forma regular na medida en que a marcha do curso o permita.
As intervencións voluntarias de tipo persoal que teñan interese para o desenvolvemento da asignatura se valorarán co 10% restante da cualificación final.
O criterio de avaliación para os alumnos non presenciais consistirá na realización dun único exame final presencial. O seu valor será do 100% da nota da asignatura. Este será tamén o único criterio de avaliación para os alumnos presenciais que tiveran faltado a un 20 % ou máis das clases e para os que non acadaran unha media de 5 na realización dos diferentes traballos.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Sesións presenciais (expositivas e interactivas): 45 horas.
Sesións de titorías personalizadas: 15 horas.
Total sesións: 60 horas.
Horas de traballo non presenciais do alumno (estimativo): 90 horas.
Total: 150 horas.
As horas non presenciais corresponden ao traballo autónomo do alumno. A organización desta parte é da enteira responsabilidade do estudante.
Seguir puntualmente o itinerario da materia, asistir ás titorías cando sexa necesario, realizar os traballos ordenados polo profesor e asistir a clase.
PLAN DE CONTINXENCIA
METODOLOXÍA:
ESCENARIO 2 (CONFINAMENTO PARCIAL POR CORONAVIRUS): De xeito xeral, manterase o plantexamento das actividades expositivas e interactivas indicado no apartado correspondente, pero coas seguintes alteracións: en caso de que a docencia expositiva se deba impartir parcialmente de xeito virtual, tanto o profesor como os estudantes seguirán neste escenario as leccións do curso de xeito síncrono (é dicir, no horario habitual das clases) pola plataforma Teams. Pola súa banda, a docencia interactiva deberá impartirse de xeito presencial nun 50% como mínimo; de ser necesario, o resto se impartirá virtualmente por Teams. A asistencia a clase é obrigatoria, calquera que sexa a súa modalidade. As titorías serán atendidas de xeito exclusivo tamén por esta plataforma.
Para o desenvolvemento das clases virtuais, o profesor proporcionará aos alumnos elementos de aprendizaxe (materiais libres de dereitos que se poidan atopar en internet, por exemplo) como complemento das clases expositivas e / ou para a realización das tarefas interactivas. Estas últimas serán levadas a cabo de acordo cun calendario flexible establecido polo profesor en función das circunstancias da docencia neste escenario. As tarefas interactivas serán preferiblemente de carácter individual, pero se fomentará o traballo colaborativo. En calquera caso, o profesor promoverá e controlará mecanismos de retroalimentación e autoavaliación do alumnado.
ESCENARIO 3 (CONFINAMENTO TOTAL POR CORONAVIRUS): De xeito xeral, manterase o plantexamento das actividades expositivas e interactivas indicado no apartado correspondente, pero coas seguintes alteracións: en caso de que a docencia expositiva se deba impartir totalmente de xeito virtual, tanto o profesor como os estudantes seguirán as leccións do curso, de xeito síncrono (é dicir, no horario habitual das clases), pola plataforma Teams. A docencia interactiva deberá impartirse enteiramente nestas mesmas condicións. Todas as titorías tamén se atenderán por este sistema. A asistencia a clase é obrigatoria, mesmo na modalidade telemática.
Para o desenvolvemento das clases virtuais, o profesor proporcionará aos alumnos elementos de aprendizaxe (materiais libres de dereitos que se poidan atopar en internet, por exemplo) como complemento das clases expositivas e para a realización das tarefas interactivas. Estas últimas serán levadas a cabo de acordo cun calendario flexible establecido polo profesor en función das circunstancias da docencia neste escenario. As tarefas interactivas serán preferiblemente de carácter individual dada a situación de aillamento, pero se fomentará o traballo colaborativo. En calquera caso, o profesor promoverá e controlará mecanismos de retroalimentación e autoavaliación do alumnado.
SISTEMA DE AVALIACIÓN:
ESCENARIO 2 (CONFINAMENTO PARCIAL POR CORONAVIRUS):
A nota da asignatura procederá nun 90% dos traballos, orais e/ou escritos, presenciais ou telemáticos, que teña que realizar o alumno de xeito individual ou en grupo, e que se controlarán de forma regular na medida en que a marcha do curso o permita.
As intervencións voluntarias de tipo persoal, tanto a nivel presencial como telemático, que teñan interese para o desenvolvemento da asignatura valoraranse co 10% restante da cualificación final.
O criterio de avaliación para os alumnos non presenciais consistirá na entrega por correo electrónico, na data oficial da proba final, dun traballo cun grao moito maior de complexidade que o dos efectuados en clase. As súas características serán anunciadas polo profesor coa antelación suficiente, e o seu valor será do 100% da nota da asignatura. Este será tamén o único criterio de avaliación para os alumnos presenciais que tiveran faltado a un 20 % ou máis das clases.
O criterio de avaliación para os alumnos que asistiran regularmente ás clases pero que non fixeran parte dos traballos ou ningún deles ou suspenderan todos os traballos ou parte deles, a proba final consistirá na entrega ao profesor das tarefas pendentes ou dunha nova versión das suspensas, segundo o caso. O envío farase por correo electrónico na data marcada oficialmente para a proba final. O seu valor terá un peso porcentual calculado en relación co conxunto dos traballos obrigatorios da materia.
A avaliación se efectuará sempre sobre o programa.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
ESCENARIO 3 (CONFINAMENTO TOTAL POR CORONAVIRUS):
A nota da asignatura procederá nun 90% dos traballos, orais e/ou escritos que teña que realizar telemáticamente o alumno de xeito individual ou en grupo, e que se controlarán de forma regular na medida en que a marcha do curso o permita.
As intervencións voluntarias de tipo persoal que teñan interese para o desenvolvemento da asignatura valoraranse co 10% restante da cualificación final.
O criterio de avaliación para os alumnos non presenciais consistirá na entrega por correo electrónico, na data oficial da proba final, dun traballo cun grao moito maior de complexidade que os efectuados en clase. As súas características serán anunciadas polo profesor coa antelación suficiente, e o seu valor será do 100% da nota da asignatura. Este será tamén o único criterio de avaliación para os alumnos presenciais que tiveran faltado a un 20 % ou máis das clases telemáticas.
O criterio de avaliación para os alumnos que asistiran regularmente ás clases telemáticas pero que non fixeran parte dos traballos ou ningún deles ou suspenderan todos os traballos ou parte deles, a proba final consistirá na entrega ao profesor das tarefas pendentes ou dunha nova versión das suspensas, segundo o caso. O envío farase por correo electrónico na data marcada oficialmente para a proba final. O seu valor terá un peso porcentual calculado en relación co conxunto dos traballos obrigatorios da materia.
A avaliación se efectuará sempre sobre o programa.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Santiago Lopez Martinez-Moras
Coordinador/a- Departamento
- Filoloxía Galega
- Área
- Filoloxía Románica
- Teléfono
- 881811792
- Correo electrónico
- santiago.lopez [at] usc.es
- Categoría
- Profesor/a: Titular de Universidade
| Luns | |||
|---|---|---|---|
| 09:00-10:00 | Grupo /CLE_01 | Castelán | D05 |
| Martes | |||
| 09:00-10:00 | Grupo /CLE_01 | Castelán | D05 |
| Mércores | |||
| 09:00-10:00 | Grupo /CLIS_01 | Castelán | D03 |
| 21.05.2021 09:30-13:30 | Grupo /CLIS_01 | B10 |
| 21.05.2021 09:30-13:30 | Grupo /CLE_01 | B10 |
| 24.06.2021 09:30-13:30 | Grupo /CLE_01 | B10 |
| 24.06.2021 09:30-13:30 | Grupo /CLIS_01 | B10 |