Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 95 Horas de Titorías: 5 Clase Expositiva: 35 Clase Interactiva: 15 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Ciencia Política e Socioloxía
Áreas: Socioloxía
Centro Facultade de Dereito
Convocatoria: Primeiro semestre
Docencia: Con docencia
Matrícula: Matriculable
A Socioloxía criminal é unha das disciplinas sociolóxicas máis tradicionais. Está interesada no estudo do crime entendido como un fenómeno social, utilizando as teorías, métodos e técnicas propias da socioloxía. Ao longo do programa observarase o lugar do crime na estrutura social, así como nos procesos sociais asociados e os seus derivados.
Os obxectivos son os seguintes:
1. Definir o obxecto da Socioloxía criminal e presentar as diversas perspectivas da Socioloxía no estudo do comportamento criminal.
2. Abordar a análise do crime e como se define e constrúe socialmente, á luz da cultura, das estructuras e procesos sociais, e das relacións de clase, poder e autoridade.
3. Presenta neste marco conceptual unha aproximación ao estudo da delincuencia en diversos ámbitos das relacións sociais e institucionais (económica, familiar, educativa, política, étnica, relixiosa ou de xénero).
4. Contemplar a delincuencia desde unha perspectiva xeográfica e espacial, tendo en conta o papel das novas tecnoloxías e os procesos de soltabilidade.
Tema 1. O obxecto material e formal da Socioloxía criminal. Historia, perspectivas e modelos na Socioloxía criminal.
Tema 2. A Cultura e a construcción e representación social do crime. O crime, a estructura social e as clases sociais. As redes sociais. As relacións de poder, o control social e a violencia.
Tema 3. O crime no contexto das distintas esferas sociais e institucionais (I). As estructuras sociais de tipo Asociación. O comportamento económico, a estrutura social e o delito. O medio-ambiente. A Ciencia. A opinión pública e os medios de comunicación. A Democracia e o crime político.
Tema 4. O Crime no contexto das esferas sociais e institucionais (II). Estruturas sociais de tipo Comunidad. A familia e os procesos de socialización. A violencia de xénero. As relacións étnicas e as sociedades multiétnicas. A relixión.
Tema 5. A dimensión xeográfico-espacial. O espazo urbano-metropolitano e a marxinalidade social. A violencia e subdesenvolvemento. Os riscos das novas tecnoloxías da información.
BIBLIOGRAFÍA BÁSICA:
GIDDENS, A. y SUTTON, Ph.W.(2017), Sociología. Madrid: Alianza Universidad.
GONZALEZ RADIO,V.(1997), Sociología criminal. Santiago de Compostela:Tórculo Ed.
BIBLIOGRAFIA COMPLEMENTARIA:
BECKER, H. S. (2009), Outsiders. Ensayos sobre sociología de la desviación. Madrid: Siglo XXI.
CASTELLS, M (1997), La era de la información. Economía, cultura y sociedad. 3 Vols. Madrid: Alianza.
DURKHEIM, E. (1982), El suicidio. Madrid: Akal.
FOUCAULT, M. (1998), Vigilar y castigar. Madrid: Siglo XXI.
GOFFMAN, E. (1980), Estigma. La identidad deteriorada. Buenos Aires: Amorrortu.
GOFFMAN, E. (1981), Internados. Buenos Aires: Amorrortu.
MERTON, R (1974), Teoría y Estructura Social. México: F.C.E.
SUTHERLAND, EDWIN H. (1988), Ladrones profesionales. Madrid: La Piqueta.
TORRENTE, Diego (2001), Desviación y delito. Madrid: Alianza.
XENÉRICOS
Interpersoal: habilidade para colaborar cos demais e interactuar, tanto con profesionais das distintas facetas da actividade criminolóxica como dentro de equipos interdisciplinares e multiculturales.
Instrumental: habilidade para reflexionar de forma crítica e construtiva e discutir e expresarse de forma organizada e razoable.
Instrumental: Adquisición dunha conciencia crítica na análise do sistema xurídico, situándose nunha perspectiva totalmente respectuosa cos principios de respecto e promoción dos dereitos humanos, a igualdade e a accesibilidade universal.
Instrumental: capacidade para reunir, interpretar e sintetizar datos e información (en particular a través da rede de computadores) dentro da súa área de estudo.
Instrumental: habilidade para transmitir información, ideas, problemas e solucións a un público especializado e non especializado, utilizando unha linguaxe correcta (legal, médica, psicolóxica, sociolóxica e técnica).
ESPECÍFICOS
Capacidade para explicar problemas sociais complexos en termos da Socioloxía do crime, así como aclarar as representacións do delito, do infractor, da victimización, das respostas ao crime e da desviación baseada en teorías e conceptos criminolóxicos.
Coñecemento das diferentes perspectivas sociolóxicas existentes en torno ao crime e a súa relación cos diversos contextos e dominios sociolóxicos (familia, estrutura social, marxinalidade, control social ...).
Capacidade para analizar, avaliar e comunicar información empírica sobre o delito, o agresor, a vítima e os medios de control social, a través da análise dos diferentes medios de comunicación social, así como das estatísticas policiais nas que aparece reflectido, así como a partir das enquisas de victimización.
Coñecemento histórico e actual das teorías explicativas do crime, así como a fenomenoloxía do crime nos seus distintos tipos de manifestacións e delitos sociais.
Escenario I (Normalidade adaptada)
Clases expositivas: nelas explicaranse os contidos da materia. Asumirán unha metodoloxía de tipo expositiva-participativa permitindo, e fomentando, a participación do alumnado no decurso da clase.
Clases interactivas (15 horas): nelas proporase ao alumando unha serie de textos, material audiovisual, etc. así como de exercicios, prácticas, conferencias de profesionais, etc. a fin de promover a reflexión crítica, análise e debate sobre aspectos da realidade social relacionados co crime e o delito.
Titorización personalizada de traballos en grupo (5 horas): nelas supervisarase o avance dos traballos grupais a realizar polo alumnado.
Escenario II e III (Distanciamento e Peche de instlacións):
No Escenario II, impartirase a docencia teórica en remoto de xeito asíncrono. Impartíndose a interactividade de xeito presencial.
No Escenario III (peche de instalaciós) a teoría correspondente ca materia impartirase en docencia asíncrona a través da aula da materia no Campus Virtual da USC. Abriranse distintos foros nos que se proporán asuntos para a reflexión e a autoaprendizaxe do alumnado.
Porporanse exercicios de deseño de investigación a través da aula virtual para cubrir a interactividade.
Se se declara algún deste tipo de escenarios as distintas actividades iranse programando cunha data de inicio e unha data de finalización.
ESCENARIO I (Normalidade adaptada)
A avaliación será de carácter continuo con proba final (exame), téndose moi en conta a participación e a implicación do alumnado nas actividades propostas, tanto dentro como fóra da aula. A nota final será o resultado da suma dos seguintes apartados:
1. Realizarase un exame sobre os contidos impartidos ao longo do curso que suporá o 70% da nota.
2. Asemade, o alumnado realizará un traballo en pequenos grupos (máximo 4 estudantes por grupo). A nota asignada ao traballo suporá o 20% da nota.
3. A asistencia e nivel de participación do alumnado –tanto a través dos traballos entregados por escrito como de forma oral que se irán propoñendo ao longo do curso-, suporán o 10% da nota final.
Para poder superar esta materia deberase obter, como mínimo, un 4 tanto no exame como no traballo de grupo.
ESCENARIO II e III (Distanciamento e Peche de instalacións)
A avaliación será de carácter continuo sen proba final (exame), téndose moi en conta a participación e a implicación do alumnado nas actividades propostas, tanto dentro como fóra da aula. A nota final será o resultado da suma dos seguintes apartados:
1. O alumnado realizará un traballo en pequenos grupos (máximo 4 estudantes por grupo) como se explica no correspondente ao escenario I. A nota asignada ao traballo suporá o 70% da nota.
2. A asistencia e nivel de participación do alumnado –tanto a través dos traballos entregados por escrito, nas súas participacións na aula virtual ou traballos entregados por correo electrónico, como de forma oral que se irán propoñendo ao longo do curso-, suporán o 30% da nota final.
Para poder superar esta materia deberase obter, como mínimo, un 4 no traballo de grupo.
En calquera dos ESCENARIOS, NON se pode superar esta materia sen a realización do traballo obrigatorio citado nos parágrafos anteriores. Se algún alumno/a suspende na primeira oportunidade, pero presentou o traballo. A nota do mesmo gardarase, e manterase para a avaliación da segunda oportunidade.
No caso do estudantado que teña concedida a dispensa de asistencia o devandito alumnado avaliarase mediante o exame final (70%), a cuxa nota sumarase a obtida nos traballos de carácter práctico (traballo obrigatorio e recensións de textos, 30%), se se mantén o escenario I. En caso de que se declaren o Escenario II ou III avaliarase de xeito continuo e non se realizará exame, pasando a avaliar o traballo obrigatorio, así como as recensións ou exercicios presentados.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
En relación á normativa de permanencia do alumnado estarase ao regulamentado no artigo 5.2 da Normativa sobre Permanencia nas titulacións de Grao e Máster da Universidade de Santiago de Compostela (USC).
Estímase un total de 70 horas de estudo e 20 horas de traballo para a preparación de comentarios sobre os textos e debates.
Plan de Continxencia:
Dada a situación provocada pola pandemia diferéncianse, en xeral, dúas situacións na metodoloxía e avaliación nesta materia:
1. ESCENARIO I: a docencia será presencial (tanto a expositiva como a interactiva). A avaliación será de carácter continuo e se realizará un exame. Asemade, o estudantado terá que entregar un traballo obrigatorio de tema libre. Proporanse distintos exercicios ou tarefas a través da interactividade da materia. Promocionarase a autoaprendizaxe e o sentido crítico na análise do crime.
2. ESCENARIO II e III: a docencia teórica será en remoto e asíncrona no Escenario II e a interactividade será de carácter presencial. No Escenario III toda docencia sería en remoto e de carácter asíncrono. A avaliación será de carácter continuo sen exame. O alumnado terá que entregar un traballo obrigatoiro de tema libre. Abriranse distintos foros na aula da materia no Campus virtual a fin de plantexar distintos exercicios, así como temas de reflexión que se irán pautando ao longo do tempo segundo se plantexase a situación sanitaria.
En caso de ser necesario iranse realizando as modificacións precisas en función da normativa da USC así como dos cambios introducidos pola facultade.
Juan Jose Labora Gonzalez
Coordinador/a- Departamento
- Ciencia Política e Socioloxía
- Área
- Socioloxía
- Correo electrónico
- juan.labora [at] usc.es
- Categoría
- Profesor/a: Profesor Axudante Doutor LOU
Juan Jose Labora Gonzalez
Coordinador/a- Departamento
- Ciencia Política e Socioloxía
- Área
- Socioloxía
- Correo electrónico
- juan.labora [at] usc.es
- Categoría
- Profesor/a: Profesor Interino/a substitución redución docencia
| Mércores | |||
|---|---|---|---|
| 09:00-11:00 | Grupo clases expositivas | Castelán | Aula 16 |
| Xoves | |||
| 09:00-11:00 | Grupo clases expositivas | Castelán | Aula 16 |
| 18.01.2021 13:00-15:00 | Grupo clases expositivas | Salón de Actos |
| 28.06.2021 12:00-14:00 | Grupo clases expositivas | Aula 7 |