Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Pedagoxía e Didáctica
Áreas: Teoría e Historia da Educación
Centro Facultade de Ciencias da Educación
Convocatoria: Segundo semestre
Docencia: Con docencia
Matrícula: Matriculable
As finalidades principais da materia son dúas:
a) introducir aos estudantes na cultura de la sustentabilidade como un eixo transversal (ético e práctico, ambiental e socio-cultural) que teñen que ter en conta na súa práctica profesional, sexa cal sexa o ámbito, comunitario ou escolar, no que exerzan o seu labor;
b) mostrar as posibilidades específicas da educación ambiental nun senso amplo (estratexias e accións de educación formal e non formal, interpretación, comunicación e participación social) como instrumento para a construción da cultura de la sustentabilidade e como ámbito profesional da Pedagoxía.
Estas finalidades concrétanse nos seguintes obxectivos:
- auto-analizar os preconceptos, os valores e os estilos de vida adquiridos en relación ao medio ambiente e á problemática ambiental;
- comprende-la "crise ambiental" como unha realidade complexa, que esixe, entre outras, respostas de índole educativa e cultural;
- adquirir unha visión complexa, dinámica e integrada dos elementos biofísicos e socioculturais que conforman o medio ambiente;
- coñecer e valora-la importancia da Educación Ambiental como estratexia para mellorar a calidade de vida e avanzar cara unha sociedade ecoloxicamente sustentable e socialmente equitativa;
- considerar o papel profesional da/do pedagoga/o no deseño e posta en práctica de procesos educativos que aborden necesidades ou problemas relativos ao medio ambiente;
- dominar os conceptos fundamentais da materia;
- coñecer técnicas, experiencias, recursos e infraestruturas específicas de Educación Ambiental.
1. Os misterios da illa de Pascua (aperitivo con fundamento).
2. Historia, concepto e obxectivos da Educación Ambiental.
3. Sociedade, estilos de vida e crise ambiental: do desenvolvemento sustentable ao decrecemento sustentable.
4. A dimensión ética da Educación Ambiental.
5. As dimensións cognitiva e comportamental da Educación Ambiental.
6. Identidade profesional e profesionalización no campo da Educación Ambiental.
7. Deseño e avaliación de recursos, programas e equipamentos de Educación Ambiental: análise de experiencias.
8. Educar e comunicar sobre a emerxencia climática: un tema transversal.
a) Básica:
CARIDE, J.A. & MEIRA, P.A. (2001): Educación ambiental y desarrollo humano. Ariel, Barcelona. https://www.researchgate.net/publication/287771112_Educacion_Ambiental_…
MEIRA, P.A. (2006). “Crisis ambiental y globalización: Una lectura para educadores ambientales en un mundo insostenible”. Trayectorias, vol. VIII, núm. 20-21, pp. 110-123. http://www.redalyc.org/pdf/607/60715248011.pdf
CARIDE, J.A. & MEIRA, P. Á. (2018). “Del ecologismo como movimiento social a la Educación Ambiental como como construcción histórica”. Historia de la Educación, Nº37, 165-197, DOI: http://dx.dot.org/10.14201/hedu201837
b) Complementaria:
ARIAS, M.A. (2013). La construcción del campo de la educación ambiental. Análisis, biografías y futuros posibles. Universidad de Guadalajara (Mx.), México.
BARBA, M.; MORÁN, C. & MEIRA, P. Á. (2015). “A educación ambiental en Galicia: controversias sobre o desenvolvemento do campo e o seu estado actual”. Ambientalmente Sustentable. Revista Científica Galego-Lusófona de Educación Ambiental. Vol. 2, nº 20, 33-48.
CARIDE, J.A. & MEIRA, P. Á. (2019): “Educación, ética y cambio climático”. Innovación Educativa, Nº 29, 61-76.
COMISIÓN TEMÁTICA DE EDUCACIÓN AMBIENTAL: Libro Blanco de la Educación Ambiental en España. Ministerio de Medio Ambiente, Madrid, 1999. [Documento electrónico:
CORTINA, A. (1990): "Ecologismo y derechos de los pueblos". Claves, Nº8, Diciembre, pp. 28-36.
GARCÍA, J.E. (2002): “Los problemas de la Educación Ambiental: ¿es posible una Educación Ambiental integradora?”. Investigación en la Escúela, nº46, pp. 5-25.
GARCÍA, J. & SAMPEDRO, Y. (2006): Un viaje por la educación ambiental en España. Ministerio de Medio Ambiente, CENEAM, Madrid.
GUTIÉRREZ, J. (1995): La Educación Ambiental : fundamentos teóricos, propuestas de transversalidad y orientaciones extracurriculares. La Muralla, Sevilla.
HERAS, F. (2002): Entretantos. Guía práctica para dinamizar procesos participativos sobre problemas ambientales y sostenibilidad. Gea-Ciclos, Valladolid.
LATOUCHE, S. (2008). La apuesta por el decrecimiento ¿Cómo salir del imaginario dominante?. Icaria, Barcelona.
MEIRA, P.Á. (2008): Comunicar el Cambio Climático. Escenario social y líneas de acción. Ministerio de Medio Ambiente y Medio Rural y Marino. Organismo de Parques Naturales, Madrid. Documento electrónico:
MEIRA, P. Á.; BARBA, M. & LORENZO, J.J. (2017). Crisis económica y profesionalización en el campo de la educación ambiental: comparativa 2007-2013 en Galicia. Educação e Pesquisa. Vol.43, n.4, pp.1127-1146.
MEIRA, P.Á. & PARDELLAS, M. (2010). Proxecto Fénix. Diagnóstico e actualización da Estratexia Galega de Educación Ambiental. SGEA-Xunta de Galicia, Santiago de Compostela (7 volúmenes).
RIECHMANN, J. (2012): Interdependientes y ecodependientes. Proteus, Barcelona.
SAUVÉ, L. (2005). “Uma cartografia das corrientes em educaçao ambiental. (p. 17-46). In Sato, M. et Carvalho, I. (Dir.). Educação ambiental - Pesquisa e desafios. Porto Alegre : Artmed.
SERANTES, A.; MEIRA, P. (2016): “El cambio climático en los libros de texto de la Educación Secundaria Obligatoria o una crónica de las voces ausentes”. Documentación Social, 138, 153-170.
TAIBO, C. (2011). El decrecimiento explicado con sencillez. La Catarata, Madrid.
BÁSICAS E XERAIS
CB1. Que os estudantes teñan demostrado posuír e comprender coñecementos nun área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vanguardia do seu campo de estudo.
CG2. Ter capacidade para analizar as realidades sociopolíticas, económicas, educativas, culturais e lingüísticas nas que se desempeña o labor profesional dos/as pedagogos/as, tanto en términos diagnósticos como prospectivos.
CG3. Coñecer, comprender e analizar de modo integral situacións educativas en diferentes contextos, sendo capaces de adaptar e aplicar os fundamentos académicos e científicos da Pedagoxía ás mesmas.
CG4. Aplicar os coñecementos teóricos e metodolóxicos necesarios para a planificación, programación e avaliación de accións formativas en contornas presenciais e virtuais, así como para a organización, desenvolvemento e xestión de programas e equipas educativas.
CG5. Promover e desenvolver accións de asesoramento educativo con diferentes persoas e/ou grupos mediante a utilización de medios e recursos adecuados.
ESPECÍFICAS
CE4.1. Avaliar plans, programas, proxectos, procesos de ensino-aprendizaxe e medios e recursos educativos e formativos.
CE5.2. Asesorar sobre o uso pedagóxico dos medios e recursos educativos.
Ademais das competencias xerais da titulación coa que esta materia está asociada, preténdese formar ao estudantado nas seguintes competencias específicas:
- Que os e as estudantes sexan capaces de autoanalizar criticamente os seus preconceptos, valores e hábitos con relación ao medio ambiente e á crise ambiental.
- Que sexan capaces de aplicar en no seu exercizo profesional unha visión complexa, dinámica e integrada dos elementos e procesos biofísicos, socioculturais e económicos que é preciso ter en cuenta para a construción dunha sociedade sustentable.
- Que entendan e apliquen a Educación Ambiental como unha ferramenta social e comunitaria para o cultivo da cultura da sustentabilidade.
- Que identifiquen os roles e os ámbitos profesionais específicos no campo da educación, a comunicación e a participación orientadas ao logro da sustentabilidade.
- Que os e as estudantes se inicien nos rudimentos do deseño e a avaliación de técnicas, experiencias, recursos e infraestruturas de Educación Ambiental.
A concepción metodolóxica desta materia quere facer fincapé no papel activo do alumnado na construción dos seus aprendizaxes. As actividades de ensino-aprendizaxe concíbense como un espazo educativo-ambiental no que motivar e orientar a análise, a reflexión e a revisión crítica das pre-concepcións, os valores e os estilos de vida individuais e colectivos que ligan a vida cotiá coa crise ambiental. Como actividades propóñense as seguintes:
- Actividades de introdución, orientadas a revisar e poñer en cuestión os pre-conceptos e as representacións sobre aspectos básicos da materia e do seu escenario socio-ambiental. Poderán consistir na análise de casos, a realización de cuestionarios ad hoc, a interpretación de imaxes, etc.
- Clases expositivas, orientadas a explicar os contidos básicos da materia. Recorrerase a presentacións multimedia cun enfoque dialóxico que motive a reflexión sobre estes contidos e a súa transformación en contidos significativos para os e as estudantes.
- Estudos de caso e simulacións. Dependendo do tamaño do grupo desenvolverase un xogo de simulación destinado a mostrar as potencialidades desta técnica no campo da Educación Ambiental. O "tema 1" enfocarase como un "estudo de caso".
- Realización de, polo menos, un libro-forum e un vídeo-forum. O libro-forum realizarase sobre unha obra relacionada coa materia e que se consensuará co grupo de estudantes. O vídeo-forum realizarase sobre un documental que aborde algún aspecto do cambio climático para tratar os enfoques comunicativos deste problema.
- Realización de seminarios monográficos e doutras actividades de pequeno e mediano grupo sobre os contidos da materia.
- Realización de titorías individuais e colectivas relacionadas co desenvolvemento da materia e das actividades de aprendizaxe propostas.
- Realización, no seu caso, dun exame con formato a determinar.
Cabe recordar que a USC é unha universidade presencial, polo que a asistencia a un mínimo do 80% das sesións de clase é obrigatoria. No caso do alumnado con EXENCIÓN OFICIAL DE DOCENCIA e DISPENSA A CLASE farase unha adaptación individualizada do programa que tomará como referencia fundamental a realización do Caderno de Traballo e a elaboración escrita de dúas recensións sobre referencias bibliográficas a determinar (un libro monográfico e un artigo).
O conxunto de actividades presenciais previstas pretende servir de estímulo e orientación ao traballo persoal do ou da estudante, que se concretará como sigue:
- Realización dun caderno de traballo que reflectirá a evolución do ou da estudante na materia. O Caderno de Traballo será a base da estratexia de avaliación continua da mesma. O/A estudante realizará as actividades que se proporán no mesmo, que estarán relacionadas cos contidos traballados nas sesións expositivas ou interactivas realizadas na aula ou por calquera outro medio (xogos de simulación, vídeo-forums, libro-forums, visitas, participación en programas ou actividades de Educación Ambiental externos, lecturas complementarias, etc.). O caderno de traballo terá un mínimo de entradas que se estipulará ao comezo do cuadrimestre. A súa extensión modularase en función do número de estudantes matriculados.
- Realización de traballos orientados en grupo, vinculados ou complementarios das actividades presenciais ou virtuais. Destes traballos presentarase un informe e poderán ser expostos na aula ou por outros medios no caso de posuír unha calidade mínima. A súa temática e estrutura definirase ao comezo do curso e adaptarase á modalidade presencial, semipresencial ou virtual do curso.
- Realización de saídas de campo para visitar e coñecer in situ programas, equipamentos ou actividades de Educación Ambiental. Realizaranse na medida en que o tamaño do grupo e os recursos dispoñibles o fagan viable e sempre que as condicións do curso o permitan.
Todos os materiais de uso ou referenciados no desenvolvemento das sesións expositivas ou interactivas estarán dispoñibles na aula virtual da materia ou se facilitará o enlace para ser descargados autonomamente da rede. Todos os materiais imprescindibles para a realización dalgunhas das sesións interactivas, ben en réxime presencial, semipresencial ou virtual, estarán a disposición do alumnado na aula virtual da materia.
As actividades de ensino-aprendizaxe previstas, presenciais, virtuais ou do alumnado, poderanse programar e organizar en coordinación con outras materias do mesmo curso e cuadrimestre (Política e Lexislación Educativas, Pedagoxía Intercultural, Pedagoxía Social, Contextos Educativos, etc.).
A avaliación é un proceso complexo no cal é necesario ter en conta múltiples elementos e dimensións que interveñen na situación de ensino-aprendizaxe (integral). Dende esta perspectiva, o deseño de avaliación proposto enténdese como esencialmente formativo e continuo, fundaméntase na valoración dos produtos resultantes do traballo individual e colectivo (plasmados principalmente no caderno de traballo e no traballo en grupo) e na participación nas sesións presenciais ou virtuais, expositivas e interactivas, que se realicen. A valoración dos produtos resultantes do traballo individual e grupal concrétase na seguinte proposta:
- Valoración do caderno de traballo cun peso relativo do 80% sobre a nota final.
- Valoración do traballo en grupo, cun peso relativo do 20% sobre a nota final.
- Valoración do exame cun peso relativo do 100% sobre a nota final. Esta modalidade só estará habilitada para os e as estudantes que, por razóns xustificadas, non teñan presentado o caderno de traballo e o traballo en grupo, ou non teñan acadado o 80% das clases como mínimo de asistencia no caso da modalidade totalmente presencial. O exame consistirá nunha combinación de preguntas de resposta breve e comentarios de imaxes e/ou fragmentos de textos traballados na materia cuxa presentación adaptarase á modalidade, presencial ou virtual, que se determine oficialmente.
No caso do alumnado con exención oficial de docencia, a realización do Caderno de Traballo suporá o 80% da nota final e a elaboración escrita de dúas recensións sobre referencias bibliográficas a determinar (un libro monográfico e un artigo), suporá o 20% da nota final.
Para todo o alumnado, na avaliación dos traballos escritos (caderno de traballo, informes do traballo en grupo, etc.), consideraranse especialmente os seguintes criterios:
- O grao de elaboración (auto-esixencia no traballo, consulta e uso pertinente de fontes bibliográficas e documentais, etc.).
- A corrección sintáctica e semántica e a presentación formal.
- A consistencia e coherencia do discurso construído (fundamentación e rigor).
- O dominio e o uso pertinente dos conceptos, as ideas e os marcos teórico-prácticos da materia.
- A capacidade para crear un pensamento propio, analítico e crítico (creatividade, orixinalidade e capacidade crítica).
- A capacidade para vincular a materia con experiencias individuais e colectivas relacionadas cos estilos de vida ligados á crise ambiental e á sutentabilidade.
Os traballos individuais e en grupo deberán ser orixinais. Calquera traballo total ou parcialmente copiado suporá o suspenso automático da materia. Para os casos de realización fraudulenta de exercicios ou probas será de aplicación o que se recolle na Normativa de avaliación do rendemento dos estudantes e de revisión de cualificacións da USC.
A cualificación de “non presentado” reservarase unicamente para quen non presente ou realice ningunha das tarefas previstas.
Actividades presenciais:
- Actividades de introdución (análise de concepcións previas) y de presentación: 4 hs.
- Clases expositivas, explicación de temas: 20 hs.
- Prácticas, estudos de caso e simulacións: 12 hs.
- Libro-forum e video-forum: 3 hs.
- Seminario monográfico: 4 hs.
- Titorías de seguimento (directas y virtuais, individuais e de grupo): 5 hs.
- Avaliación: 2 hs.
Total de horas presenciais 50.
Actividades do estudante:
- Elaboración do caderno de traballo: 40 hs.
- Lecturas e estudo persoal: 20 hs.
- Recensións: 10 hs.
- Realización do traballo tutelado en grupo: 20 hs.
- Participación en actividades complementarias: 5 hs.
- Saídas de campo: 5 hs.
Total de horas de traballo persoal: 100 hs.
Recoméndase a utilización do ordenador portátil nas actividades presenciais. O uso das fontes de documentación e información accesibles a través de Internet será estimulado, pero existirá un especial esmero en garantir a orixinalidade e a calidade dos produtos resultantes (entradas no caderno de traballo, recensións, informes de video-forums, etc.). Toda fonte documental utilizada, virtual ou convencional, debe ser correctamente identificada e citada.
Existe un número importante de cursos e actividades ligadas ao medio-ambiente, á educación ambiental e á cultura da sustentabilidade que poden complementar de xeito significativo o dominio da materia e mellorar a experiencia de aprendizaxe. A realización voluntaria destas actividades pode ser incorporada á materia, ben con informes específicos ou ben como parte das entradas do caderno de traballo.
É posible que no desenvolvemento da materia se realice, de ser viable, unha práctica de campo compartida con outras materias do curso (visita, encontros con profesionais, conmemoracións) na perspectiva dun traballo interdisciplinar que será realizado e valorado desde cada unha das materias participante.
O alumnado debe empregar necesariamente o correo electrónico da USC (@rai.usc.es) na súa comunicación vía e-mail co profesorado.
En atención a criterios de igualdade de xénero no ámbito universitario, recoméndase facer uso da linguaxe non sexista tanto no traballo cotiá da aula como nos traballos académicos encomendados. Pode obterse información ao respecto no enlace:
http//www.usc.e/export/sites/default/gl/servizos/oix/linguaxe_non_sexista_pub….
En relación á entrega de traballos persoais ou de grupo que se realicen para a materia e para ser coherentes cos valores de sostenibilidade que se queren formar recomendamos ter en conta as seguintes indicacións:
- Evitar tapas de plástico ou outros envoltorios externos innecesarios.
- Sempre que sexa posible empregar grampas en lugar de encanutillados.
- Imprimir a dúas caras e en calidade “aforro de tinta”.
- Non empregar folios en branco como separadores de capítulos ou partes.
- Evitar anexos que no teñan relación directa cos temas desenvolvidos.
En atención a criterios de igualdade de xénero no ámbito universitario, recoméndase facer uso dunha linguaxe non sexista tanto no traballo diario da aula como nos traballos académicos encomendados. Pode obterse información ao respecto no enlace:
http//www.usc.e/export/sites/default/gl/servizos/oix/linguaxe_non_sexista_pub…
O alumnado debe usar necesariamente o correo electrónico da USC (@rai.usc.es) na súa comunicación vía email co profesorado.
É posible que no desenvolvemento da materia se realice, de ser viable, unha práctica de campo compartida con outras materias do curso (visita, encontros con profesionais, conmemoracións) na perspectiva dun traballo interdisciplinar que será realizado e valorado dende cada unha das materias participantes.
O uso de teléfono móbil na aula queda restrinxido ao seu emprego como instrumento de traballo seguindo as indicacións dadas polo docente, responsabilizándose ao alumnado das consecuencias legais e académicas que podan derivarse dun emprego non axeitado do mesmo.
PLAN DE CONTINXENCIA COVID19 (escenarios 1, 2 e 3)
- A actividade expositiva e interactiva adaptarase á modalidade presencial, semipresencial ou virtual que oficialmente se implante (escenarios 1, 2 ou 3). Nos tres casos, a base de traballo será o campus virtual. Nel irán poñéndose a disposición do alumnado todos os materiais básicos e complementarios (textos, presentacións, vídeos, imaxes, gráficas, enlaces a outros recursos, etc.) para cada tema e para o mellor desenvolvemento das sesións expositivas e interactivas sexa cal sexa o escenario oficialmente vixente.
- Para as sesións expositivas e interactivas virtualizadas nas 3 modalidades utilizarase preferentemente a plataforma TEAMS, se ben poderase recorrer a outras ferramentas TICs en función das posibilidades e limitacións técnicas tanto do equipo docente -cobertura de datos na zona onde residen- como dos estudantes. Crearase un grupo específico de WhatsApp que servirá de vía principal de comunicación entre o equipo docente da materia e os/as estudantes que a cursan. Tendo en conta o horario oficial da materia, as sesións expositivas e interactivas programaranse de forma síncrona e asíncrona para cada semana, tendo, cando menos, una sesión virtual síncrona -preferentemente para clases expositivas e unha actividade asíncrona -preferentemente para actividades interactivas que se poidan realizar en pequeno grupo de forma virtual-.
- Nos tres escenarios, as sesións expositivas e interactivas e a carga de traballo adaptarase as condicións existentes e ao tamaño do grupo conforme ao plan deseñado pola Facultade de Ciencias da Educación.
- A proposta de avaliación continua será a mesma en calquera das modalidades (presencial, semipresencial e virtual) na que se imparta a materia. A súa base será a cualificación do Caderno de Traballo (80%) e do Traballo en Grupo (20%). No caso xustificado de non poder realizar a entrega de ambos traballos, o alumno ou a alumna terá a opción de realizar un exame final coas características que se especifican no apartado de avaliación. A realización deste exame adaptarase á modalidade de ensino oficial. No caso dos escenarios 1 e 2 será presencial, salvo que o número de persoas que o realicen o fagan inviable. No escenario 3 será virtual. No caso de ser virtual a modalidade será síncrona, realizando o exercizo de exame na data oficialmente establecida para que os e as estudantes o resolvan nun tempo limitado.
- No escenario 2 a docencia expositiva realizarase de forma non presencial no horario previsto e a través do Campus Virtual e de TEAMS, as aulas de videoconferencia Lifesize habilitadas polo centro ou calquera outra aplicación que sexa funcional para ter unha interacción de calidade entre docentes e estudantes. A docencia expositiva será síncrona ou asíncrona dependendo da programación semanal, o contido e a metodoloxía previstas para cada sesión que os docentes anticiparán previamente. No caso de que algún estudante teña problemas de conexión analizarase a situación e buscarase a solución máis adecuada: a ferramenta de videoconferencia máis axeitada entre as institucionais ou outras seguras que o equipo docente determine, axudas propias da Universidade, do Centro ou atención personalizada por parte do equipo docente. As sesión interactivas realizaranse no horario establecido de forma presencial e non presencial e en grupos de menor tamaño con rotación segundo os protocolos organizativos que determine a Facultade de Ciencias da Educación. As titorías realizaranse preferentemente de forma non presencial a través de TEAMS ou calquera outra ferramenta tecnolóxica das referidas previo acordo co alumnado e en función da súa adecuación ao contexto.
- No escenario 3 toda a docencia expositiva e interactiva e as titorías realizaranse de forma non presencial, respectando os horarios establecidos para a materia e a través do Campus Virtual e de TEAMS e/ou das aulas de videoconferencia Lifesize habilitadas polo centro. Tanto a docencia expositiva como a interactiva será síncrona ou asíncrona dependendo da programación semanal, o contido e a metodoloxía previstas para cada sesión que o equipo docente anticipará previamente. No caso de que algún/ha estudante teña problemas de conexión analizarase a situación e buscarase a solución máis adecuada.
- As titorías individuais ou en grupo desenvolveranse de forma presencial, cando sexa posible, e sempre virtual a través dos medios que permitan unha mellor comunicación entre o docente e a persoa ou persoas que o soliciten previamente. O horario será o oficialmente establecido.
Pablo Angel Meira Cartea
Coordinador/a- Departamento
- Pedagoxía e Didáctica
- Área
- Teoría e Historia da Educación
- Teléfono
- 881813747
- Correo electrónico
- pablo.meira [at] usc.es
- Categoría
- Profesor/a: Titular de Universidade
Antonio Garcia Vinuesa
- Departamento
- Pedagoxía e Didáctica
- Área
- Teoría e Historia da Educación
- Correo electrónico
- a.garcia.vinuesa [at] usc.es
- Categoría
- Predoutoral Ministerio
| Luns | |||
|---|---|---|---|
| 12:30-14:00 | Grupo /CLIS_03 (N - Z) | Galego, Castelán | AULA 3 (CAMPUS VIDA-Módulo A) |
| Martes | |||
| 09:00-10:30 | Grupo /CLE_01 | Galego | AULA 15 (CAMPUS VIDA-Módulo A) |
| 10:30-12:00 | Grupo /CLIS_01 (A - Fe) | Castelán, Galego | AULA 5 (CAMPUS VIDA-Módulo A) |
| Mércores | |||
| 10:30-12:00 | Grupo /CLIS_02 (Fi - M) | Castelán, Galego | AULA 17 (CAMPUS VIDA-Módulo A) |
| 26.05.2021 09:30-11:30 | Grupo /CLE_01 | AULA 6-7 (CAMPUS VIDA-Módulo A) |
| 09.07.2021 09:30-11:30 | Grupo /CLE_01 | AULA 6-7 (CAMPUS VIDA-Módulo A) |