Créditos ECTS Créditos ECTS: 3
Horas ECTS Criterios/Memorias Traballo do Alumno/a ECTS: 51 Horas de Titorías: 3 Clase Expositiva: 9 Clase Interactiva: 12 Total: 75
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Física Aplicada, Física de Partículas
Áreas: Física Aplicada, Física da Materia Condensada
Centro Facultade de Física
Convocatoria: Primeiro semestre
Docencia: Con docencia
Matrícula: Matriculable | 1ro curso (Si)
RESULTADOS DE APRENDIZAXE
Ao final do estudo desta materia, o alumno debe de adquirir coñecementos sobre o cambio climático e os inventarios de emisións.
O alumno coñecerá os datos fundamentais do fenómeno do cambio climático o que lle permitirá ter unha formación básica para enmarcar e formular propostas que contemplen este ámbito de actuación.
Coñecerá os inventarios de emisións e as emisións enerxéticas, en particular, dos diferentes países, o seu "mix" enerxético e aprenderá a valorar a súa importancia.
Aprenderá a facer propostas de plans enerxéticos con enerxías renovables tendo en conta as emisións das outras fontes enerxéticas para os distintos ámbitos competenciais.
Finalmente, o alumno aprendera a xestionar e elaborar un proxecto de axudas dos proxectos PIMA, da Pegada de Carbono e os proxectos do Mecanismo de Desenvolvemento Limpo ou da implementación conxunta xeradores de CERs.
•Breve descrición do fenómeno do cambio climático.
•O papel da enerxía ante o cambio climático.
•Instrumentos para a xestión da enerxía ante o cambio climático.
•Tramitación de proxectos de enerxía renovables para os fins do cambio climático.
Portal de cambio clímático del Gobierno de España. http://www.mapama.gob.es/es/cambio-climatico/temas/
Intergovernmental panel on climate change: ipcc.ch
Portal de cambio climático del Goberno de Galicia. cambioclimático.xunta.gal
BÁSICAS E XERAIS
CG01 - Adquirir e comprender os principais aspectos teóricos, prácticos e metodolóxicos necesarios para a dedicación profesional ao campo das enerxías renovables, a sustentabilidade e o cambio climático
CG03 - Capacidade de realizar estudos de planificación e deseño de solucións enerxéticas no campo das enerxías renovables e a sustentabilidade e o cambio climático, ben sexan modelos de planificación ou para a súa aplicación a instalacións.
CG08 - Coñecer os factores sociais, xurídicos e económicos que interveñen na implantación das enerxías renovables no marco da sustentabilidade
CG07 - Coñecer a lexislación básica a nivel nacional e autonómico relacionada co campo das enerxías renovables, e ser capaz de acceder ás bases bibliográficas dispoñibles e ter capacidade para interpretalas
CB7 - Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidos dentro de contextos máis amplos (ou multidisciplinares) relacionados coa súa área de estudo
CB8 - Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
CB9 - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.
TRANSVERSAIS
CT07 - Tratar, analizar e obter conclusións sobre uns conxunto datos resultantes dun estudo utilizando fontes documentais
CT13 - Capacidade para analizar as demandas, necesidades e expectativas do mercado
CT14 - Capacidade para analizar, organizar, xestionar e aplicar un proxecto técnico-científico tendo en conta as limitacións de persoal, económicas, legais, etc.
ESPECÍFICAS
CE08 - Avaliar os impactos ambientais asociados a proxectos enerxéticos, elaborar plans de redución de emisións de GEI e analizar os seus efectos sobre os procesos de cambio climático.
CE09 - Deseñar e xestionar proxectos enerxéticos enfocados á mitigación do cambio climático que xeren dereitos de emisión.
Escenario 1. Normalidade adaptada
A materia desenvolverase en horas de clases maxistrais e actividades diversas (seminarios, mesas redonda, coloquios, etc.), utilizando todos os medios audiovisuais dos que se poida dispoñer e que fagan amena e formativa a materia para o estudante.
Entregaráselle ao estudante todo a material base necesario para o estudo da materia a través da web virtual da materia.
O estudante dispoñerá das horas de titorías correspondentes para solucionar dúbidas, ampliar coñecementos e mellorar os procesos de exposición dos seminarios.
Os estudantes deberán desenvolver en grupo ou de forma individual ao longo do curso un traballo que deberán expoñer.
Excepcionalmente poderase realizar un exame final da materia.
A parte teórica desenvólvese con axuda de diferentes medios audiovisuais que xeren unha proposta atractiva dos contidos e faciliten a comprensión dos mesmos. Durante o desenvolvemento do temario poderanse utilizar programas informáticos e internet.
Todas as tarefas do estudante (estudo, traballos, lecturas) serán orientadas polo persoal académico en titorías que poderán ser de tipo presencial ou realizarse a través dos medios da USC-virtual.
En todos os casos, utilizaranse as ferramentas dispoñibles na USC-virtual para facilitar aos estudantes do material necesario para o desenvolvemento da materia (presentacións, apuntamentos, textos de apoio, bibliografía, vídeos, etc.) e para establecer unha comunicación fluída profesor-estudante.
Tomaranse as medidas hixiénico-sanitarias recomendadas nos protocolos marcados pola Facultade (hidroxel e obrigatoriedade de máscara).
Escenario 2. Distanciamento
Non se esperan modificacións no tipo de docencia expositiva e interactiva se se manteñen os parámetros tradicionais de matrícula. Se as medidas de distanciamento non permitisen que todos os estudantes da materia asistan ás clases presenciais na aula asignada e non se dispón dun espazo docente máis amplo para acoller a todos os estudantes, entón arbitraríanse algunha destas medidas:
- Retransmitir en streaming a clase para parte do alumnado que as seguiría desde outro espazo docente da facultade. Estableceríanse quendas para que todos os estudantes seguirán as clases nas mesmas condicións.
- Retransmitir en streaming a clase para parte do alumnado que as seguiría desde a súa casa. Estableceríanse quendas para que todos os estudantes seguirán as clases nas mesmas condicións.
Priorizarase á hora de programar a actividade da materia a presencialidad nas probas de avaliación. Se debido a unha inevitable rotación do alumnado, as probas de avaliación consumisen un número inasumible de horas, a docencia correspondente impartiríase telemáticamente.
As titorías poderán ser presenciais ou telemáticas, requirirán de cita previa.
Escenario 3. Peche das instalacións da USC
A docencia será telemática e as clases desenvolveranse de forma síncrona no horario oficial de clase. Pode ser que, por causas sobrevindas, algunha das clases desenvolverase de forma asíncrona o que se comunicará ao alumnado con anterioridade.
As titorías serán telemáticas e requirirán de cita previa.
Todas as tarefas do estudante (estudo, traballos, lecturas) serán orientadas polo persoal académico en titorías que poderán ser de tipo presencial ou realizarse a través dos medios da USC-virtual.
En todos os casos, utilizaranse as ferramentas dispoñibles na USC-virtual para facilitar aos estudantes do material necesario para o desenvolvemento da materia (presentacións, apuntamentos, textos de apoio, bibliografía, vídeos, etc.) e para establecer unha comunicación fluída profesor-estudante.
Escenario 1. Normalidade adaptada
A avaliación da materia será continua e compoñerase dunha combinación de:
Asistencia e actitude en clase: 10 %
Realización de actividades diversas (prácticas, problemas, tarefas diversas, etc.): 40 %
Desenvolvemento e presentación do seminario (individualmente ou en grupo): 50 %
De non cumprir calquera dos requisitos anteriores o estudante poderá presentarse a un exame en primeira convocatoria e de non superalo poderá presentarse a outro exame en segunda convocatoria. A cualificación obtida nestes exames será a que o estudante obteña como nota definitiva no proceso de avaliación da aprendizaxe.
Obterán a cualificación de non presentado os estudantes que non se presentaron ao exame nin se someteron á avaliación de ningunha outra actividade obrigatoria.
Escenario 2. Distanciamento
O sistema de avaliación será o mesmo que o descrito para o escenario 1.
O exame final, de ser necesario, será presencial se as normativas sanitarias permíteno. Se non é posible un exame presencial, este será telemático. Consistirá en probas subidas á plataforma dixital da materia con cuestións tipo test e/ou preguntas ensaio con temática teórica e teórico-práctica.
Escenario 3. Peche das instalacións da USC
O sistema de avaliación será o mesmo que o descrito para o escenario 1.
Incrementarase a cantidade e calidade das actividades evaluativas comprendidas na avaliación continua.
No escenario 3 o exame final, de ser necesario, será telemático.
Todas as tarefas do estudante (estudo, traballos, lecturas) serán orientadas polo persoal académico en titorías que poderán ser de tipo presencial ou realizarse a través dos medios da USC-virtual.
En todos os casos, utilizaranse as ferramentas dispoñibles na USC-virtual para facilitar aos estudantes do material necesario para o desenvolvemento da materia (presentacións, apuntamentos, textos de apoio, bibliografía, vídeos, etc.) e para establecer unha comunicación fluída profesor-estudante.
Para os casos de realización fraudulenta de exercicios ou probas, será de aplicación o recollido na “Normativa de avaliación do rendemento académico dos estudantes e de revisión de cualificacións”.
De forma xeral, poderanse realizar diferentes probas para verificación obtención coñecementos téoricos/prácticos e adquisición de habilidades e actitudes.
Aproximadamente unha hora de traballo persoal por cada hora de clase lectiva.
Clases maxistrais 16 h
Docencia interactiva. Seminarios 4 h
Titoría en grupo 1 h
Titoría individualizada 1 h
Exame e revisión 2 h
Traballo persoal do alumno e outras actividades 51 h
Plan de continxencia
De conformidade co Acordo do Consello de Goberno do 19 de xuño de 2020 polo que se regulan as bases para o desenvolvemento da docencia durante o curso académico 2020-2021, e a fin de minimizar o impacto dun posible rebrote do COVID-19, incorpóranse plans de continxencia que contemplan un escenario 2 (distanciamento) e un escenario 3 (peche de instalacións).
Jose Antonio Rodriguez Añon
Coordinador/a- Departamento
- Física Aplicada
- Área
- Física Aplicada
- Teléfono
- 881814005
- Correo electrónico
- ja.rodriguez.anon [at] usc.es
- Categoría
- Profesor/a: Titular de Universidade
Jorge Costoya Noguerol
- Departamento
- Física de Partículas
- Área
- Física da Materia Condensada
- Categoría
- Investigador/a: Programa Juan de la Cierva
| Mércores | |||
|---|---|---|---|
| 18:00-20:00 | Grupo /CLE_01 | Castelán | Aula C |
| Venres | |||
| 18:00-20:00 | Grupo /CLE_01 | Castelán | Aula C |
| 20.01.2021 09:00-14:00 | Grupo /CLE_01 | Aula C |
| 07.07.2021 16:00-20:00 | Grupo /CLE_01 | Aula 4 |