24.04.2025-24.05.2025 | 12.00h-21.30h
A biblioteca da Facultade de Filoloxía organiza unha mostra bibliográfica para dar a coñecer tanto a obra como o perfil intelectual do autor hispalense.
Coa mostra preténdese divulgar o patrimonio da biblioteca universitaria, exhibindo edicións antigas e modernas, así como traducións a diversas linguas da prolífica produción isidoriana.
A exposición dará comezo cunha mesa redonda na que participarán os profesores Xosé Carracedo Fraga, Joel Varela Rodríguez e Helena de Carlos Villamarín, que actuará como moderadora. Esta terá lugar o día 24 de abril ás 12 h. no auditorio da Facultade de Filoloxía.