Os obxectivos do curso son coñecer as técnicas básicas para crear un produto audiovisual e deseñar e desenvolver un proxecto audiovisual sinxelo.
Dirección: Carmen Franco Vázquez e Carol Gillanders
Secretaría: Juan Lorenzo Otero
Lugar de celebración: Facultade de Ciencias da educación (Campus Norte) Aula 5
PROGRAMA
Luns 17 de xuño 2024
Introdución
16-17.30h. Obradoiro: NaturArtivista
Cristina Trigo Martínez
17.30- 20h. A linguaxe cinematográfica
A elaboración dunha peza Nocións teóricas para a comprensión da linguaxe audiovisual. O proceso de preparación: Produción. Rodaxe: Espazo e tempo. A montaxe.
Juan Luis Lorenzo Otero
Martes 18 de xuño 2024
16-18h. Introdución á linguaxe cinematográfica (Unha perspectiva didáctica e práctica)
Sergio Clavero Ibáñez de Garayo
18-20h. Sonorización. Como introducir os audios.
Ponente pendente de confirmar
Mércores 19 de xuño 2024
Introdución á linguaxe audiovisual (Outros campos de acción necesarios)
16-18h. Narrativas fílmicas para a infancia e outros medios artísticos
Rocío García Pedreira
18-20h. Obradoiro sobre iniciación aos procesos de animación.
Olalla Cortizas Varela
Xoves 20 de xuño 2024
16-18h. Videoarte e Perspectivas artográficas.
Guillermo Calviño Santos
18-20h. Atrévete co audiovisual. (Exercicio práctico)
Elaboración dunha peza audiovisual.
Sergio Clavero Ibáñez de Garayo
Venres 21 de xuño 2024
16-20h. Atrévete co audiovisual. (Exercicio práctico e visualización dos resultados).
Montaxe e visualización das pezas audiovisuais.
PROFESORADO DO CURSO
Guillermo Calviño Santos
Ten o Grao en Fotografía na Universidade Politècnica de Catalunya e o Grao en Fotografía e Creación Dixital do Centre da Imatge i a Tecnologia Multimèdia da mesma universidade. Traballou como fotógrafo freelance e profesor de fotografía, vídeo e deseño na educación non formal. É profesor Axudante Doutor de Expresión Plástica, primeiro na UDC e agora na USC. Forma parte dos grupos de investigación, LITER21 (USC) e Artefacto (UDC). Na actualidade centra a súa actividade na investigación da fotografía como reflexo dos modos de actuar e comprender o mundo e a súa aplicación dentro do sistema educativo. A fotografía convértese así nun medio para reflexionar sobre o papel da imaxe na configuración da identidade e a transformación dos espazos públicos e privados que habitamos.
Sergio Clavero
Licenciado en Belas Artes na especialidade de Audiovisuais, creou como produtor e director curtametraxes, vídeos musicais e publicidade, en especial no campo da animación. Actualmente é Profesor de Secundaria na especialidade de Artes e Profesor asociado da Facultade de Ciencias da Educación da Universidade de Santiago de Compostela. Creador do proxecto pedagóxico Aturuxo Films de alfabetización cinematográfica. Premio Nacional de Boas Prácticas Educativas 2019 e Premio de Alfabetización Audiovisual 2014 do Ministerio de Educación e Premio Proxecta de Innovación Educativa 2018 da Xunta de Galicia.
Olalla Cortizas Varela
Licenciada e doutora en Belas Artes pola UVigo. Entre os anos 2008-2015 traballou como artista e investigadora dentro do Grupo de investigación MODO (Modos de coñecemento artístico), impartindo tamén docencia dentro do Grao de Belas Artes. Actualmente é contratada doutora da área de Didáctica da Expresión Plástica na Facultade de Ciencias da Educación. Desde o 2015 pertence ao grupo de investigación Liter21 (GI-1839) da Universidade de Santiago de Compostela. As súas liñas de investigación vincúlanse á educación e á arte contemporánea nos espazos fronteirizos da interdisiciplinariedade, atopando na LIX o campo específico onde conflúen as súas investigacións nos últimos anos. Participou en Congresos e ten publicado artigos, capítulos de libro e recensións sobre Literatura Infantil e Xuvenil Galega.
Rocio G-Pedreira
Doutora en Estudos da Infancia (Universidade do Minho) co traballo ‘Literatura, cinema e mediación docente: os protagonistas infantís de Roald Dahl e a súa liberación fantástica’. Na actualidade é persoal docente e investigador na USC, e membro do grupo de investigación LITER21 da mesma institución. Membro da Rede LIJMI (CRPIH), do equipo investigador do Centro de Investigação em Estudos dá Criança (Universidade do Minho) e editora de ‘Elos. Revista de Literatura Infantil e Xuvenil’. Traballou como mestra de primaria, especialidade de Pedagoxía Terapéutica.Tamén participou en congresos e publicou traballos varios sobre Literatura Infantil e Xuvenil, educación literaria, cinema infantil e/ou familiar e alfabetización fílmica.
Juan Luis Lorenzo Otero
Doutor en Historia, Xeografía e Historia da Arte (Especialidade de Historia da Arte) pola Universidade de Santiago de Compostela co traballo ‘Rockstar Games. Innovación, investigación e intermediación na arte do videoxogo’ [distintivo Cum Laude]. Licenciado en Historia da Arte pola Universidade de Santiago de Compostela e Master en Xestión do Patrimonio, Museos e Mercado da Arte pola Universidade de Santiago de Compostela e a Universidade de Las Palmas de Gran Canaria. Comisario da exposición Autómatas do Consumo na Galería El Taller (Santiago de Compostela). Na actualidade é técnico superior de apoio á investigación contratado polo grupo de Investigación LITER 21 da Universidade de Santiago de Compostela.
Cristina Trigo Martínez
Licenciada en Historia da Arte (USC). É profesora na área de Didáctica da expresión plástica da Facultade de Ciencias da Educación (USC). Con anterioridade (1998-2014) foi educadora e coordinadora do servizo de actividades e proxectos educativos do Centro Galego de Arte Contemporánea (CGAC; Santiago de Compostela). A interrelación educación-arte contemporáneo-museo é o eixe principal do traballo e da investigación que está desenvolvendo. Ten participado en diversos cursos, xornadas, congresos así como en publicacións nos que afonda na converxencia entre as prácticas artísticas contemporáneas e a educación hoxe. Pertence ao grupo de investigación LITER21 e á célula de acción artística e resistencia C3.