Pleno ordinario do Consello Social

Este luns 30 de decembro a partir das 9.15 horas en primeira convocatoria e 9.30 en segunda convocatoria terá lugar na sede do Consello Social da USC, na Casa da Concha, unha sesión ordinaria do pleno do Consello. Nela presentan os seus informes a presidenta do Consello Social, Cecilia Sierra e o reitor Antonio López, estudarase a aprobación dos Orzamentos da USC para o ano 2025, o informe sobre as modificacións non substanciais de memorias de grao e mestrado universitario para a súa implantación no curso 2025-2026, os prezos de cursos de estudos propios e finalmente asuntos económicos e información sobre convenios.