O reitor Antonio López, o presidente da Deputación de Lugo, José Tomé, e a investigadora da USC na Facultade de Veterinaria Marta López Alonso intervirán na sesión, que reunirá representantes da maioría dos concellos lugueses na Casa do Saber
O reitor da USC, Antonio López Díaz, preside este martes, a partir das 9.00 horas, no auditorio da Casa do Saber de Lugo, o acto de presentación do convenio asinado entre a USC e a maioría dos concellos da provincia que acordaron apoiar o desenvolvemento do proxecto titulado ‘Intervalos de referencia de microminerais esenciais e tóxicos na poboación da provincia de Lugo’.
O presidente da Deputación Provincial de Lugo, José Tomé Roca, e a investigadora principal e coordinada desta iniciativa solidaria aberta ao micromecenado, a profesora na Facultade de Veterinaria Marta López Alonso, tamén intervirán nunha sesión que contará con representantes municipais da maioría dos concellos da provincia.