O Paraninfo da Universidade acolle o venres 10 o acto de presentación do libro Tiempo y viaje en la Compostela medieval: estudios sobre tiempo, individuo y peregrinación en la Edad Media, da autoría de Xosé Sánchez Sánchez e coeditado polo Consorcio de Santiago e a Universidade de Santiago de Compostela.
A presentación, ás 19.00 horas, contará coas intervencións do decano da Facultade de Xeografía e Historia, Antonio Míguez Macho, do xerente do Consorcio de Santiago, José Antonio Domínguez Varela, e do propio autor. Ademais, estarán presentes na mesa o director do Servizo de Publicacións da USC, Juan Blanco Valdés, e o responsable de publicacións do Consorcio de Santiago, Juan Conde Roa.
A monografía transita polas ideas e nocións que, do tempo, tiñan os individuos no seu camiño cara a Santiago e polas formas que esas ideas implican. Desde a perspectiva das fontes documentais, os edificios, os obxectos e ritos –e todo iso desde a morfoloxía da cidade e das súas rutas–,arguméntanse os cambios producidos en torno ao século XII, que definen usos diversos na percepción do tempo.
