Este martes 30 de abril terá lugar o acto institucional de toma de posesión do decano da Facultade de Humanidades, Gonzalo Francisco Fernández Suárez, que se desenvolverá a partir das 11.00 horas no Salón de Actos do centro. Estará presidido polo reitor Antonio López e tamén asistirá a secretaria xeral da USC, Dulce María García Mella.
Gonzalo Fernández, profesor da área de Ciencias e Técnicas Historiográficas do Departamento de Historia da USC, renova así o seu mandato como decano da Facultade de Humanidades, tras resultar reelixido nas eleccións do 11 de outubro. O profesor da área de Lingüística Xeral Miguel González Pereira, en calidade de vicedecano, e a tamén docente da área de Historia da Arte Miriam Elena Cortés López, como secretaria, continúan tamén como membros do equipo de goberno.