A USC celebra en Sao Paulo a reunión de lanzamento dos programas de mobilidade Emundus15 e Emundus17

Unha delegación da USC encabezada polo reitor Senén Barro viaxou estes días a Sao Paulo (Brasil) para celebrar alí a reunión de lanzamento dos proxectos Emundus15 e Emundus17, que coordina a propia Universidade de Santiago.
A comitiva da institución compostelá complétana o vicerreitor de Política Internacional, Agustín Merino, o xefe da Oficina de Relacións Exteriores, Enrique López Veloso, e as técnicas Lorena Barbeito e Sonia Cordido.
Á xuntanza asistiron delegados de todas as universidades europeas, brasileiras, paraguaias e uruguaias que participan nos proxectos, así como autoridades brasileiras en materia de educación e representantes da delegación da UE en Brasil e das embaixadas e consulados dos países europeos participantes.
MobilidadeEmundus15 e Emundus17 son dous programas de cooperación institucional e mobilidade no ámbito da Educación Superior que promoven o intercambio bilateral de estudantes e persoal académico entre Universidades europeas e de Brasil, Paraguai e Uruguai.
Ambas iniciativas, coordinadas pola USC, están financiadas pola Comisión Europea no marco do programa de cooperación exterior Erasmus Mundus External Cooperation Window.